المجلس الوطني الكوردي في سوريا

4EMÎN SALVEGERA KOÇA HELBESTVANÊ KURD “FERHAD IÇMO” DERBAS DIBE ..

0 100

Helbestvan û nivîskarê Kurd ê navdar Ferhad Içimo  di nava gelê xwe yê Kurdistana Sûrî de,û di dîroka helbesta Kurdî de jî cihê xwe girtibû , Lê mixabin zû koça dawî kir û çû ser dilovaniya XWEDÊ.
Helbestvan Ferhad Içmo,di15ê çileyê sala 1960î de li bajarê Qamişlo li Kurdistana Sûrî hatiye ser rûyê cîhanê û di êvar roja pêncşema 8.6.2017an de, çû ser dilovaniya XWEDÊ piştî nexweşiyek giran û dirêj.

Xemgînî pir bi ser gelê xwe de anî , Ji ber ku kesayetekî xwedî bandor bû.
Helbestvan Ferhad Içmo di sala 1978an de dest bi nivîsandina helbesta Kurdî kiriye,û piraniya hunermendên kurd ên navdar bi dehan helbestên wî kiribûn stran ji rexê hin hunermendan mîna(Mihemed Şêxo,Beha Şêxo, Birûsk Şêxo,Adilê Hiznî,Xelîl xemgîn,Şeyda, Sefqan, Se’ed Ferso,Selah Osê û E’itîdal Isma’îl)

wek hatiye diyarkirin heft berhemên wî yên helbestên kurdî hene, hin ji helbestên wî jî hatin wergerandin ji bo zimanê Erebî.
Gelek helebestên wî jî di Rojname û kovarên kurdî de hatine weşandin.

Helbestvan Ferhad Içmo, ji aliyê gelek dezgeh û xelatên helbestvan û wêjevanên Kurd û festîvalên helbesta Kurdî hatibû xelatkirin.

Mîna xelata wêjevan û helbestvanê Kurd Cegerxwîn di sala 2013an’de, û xelata nivîskar û wêjevanê Kurd Ebdurehman Alûcî di xelata yekem de.
Helbestvan Ferhad Içmo,yek ji kesên afrîner û nivîskarê wefedar e.

Ji ber vê yekê koçkirina wî j ziyaneke mezin ji wêje û helbesta Kurdî re bû û Stûnek ji Stûnê Wêjeya Kurdî li Kurdistana Sûriya kêm bû ..

Ragihandina ENKSê
Raport:Elî Fetah

Leave A Reply

Your email address will not be published.