Ragihandina Encûmena Niştîmanî kurdî li Sûriyê المجلس الوطني الكوردي في سوريا
Related Articles
Rewşa aborî dibe sedemeka sereke ji hejariya welatiyan li Kurdistana Sûriyê ,ku roj bi roj ber alozbûnê ve diçe, û nexasim piştî biryara “119” ya diho 17 ê ,Gulanê ,hatî destnîşankirin ji aliyê rêveberiya xweser ya PYDê ve
derbarî bilindkirina nirxê madeyên sotemeniyê bi rêjeyeke buha û herwiha ev biryar bû cihê pirsgirêk û nerazîbûna hemwelatiyan li seranserî herêmên kurdî ..
Û herwiha ji ber vê yekê îro li bajarê Qamişlo û Girkê Legê û deverên dî mangirtin û xwepêşandan hatin li darxistin û dukan hatin girtin û kar rawestiya ….
Û di vê derbarê de welatiyek ji nava xwepêşandana Qamişlo li bazara Navendî ji malpera me ya ENKS ê re ragihand û got:
” ev xwepêşandan li dijî bilindkirina nirxê sotemeniyê û ev mangirtin wê berdewam be ta biryar were standin derbarî biryara 119 ya hatî destnîşankirin derbarî bilindkirina nirxê sotemeniyê ,
ku bi timamî were rakirin û çareseriyek jê re were dîtin , ku xelk bi zehmetî debara jiyana xwe ya rojane dikin û di rewşeke aloz de derbas dibin” ..
Her wiha tê zanîn ku nirxê sotemeniyê bi vî awayî hatibûn destnîşankirin:
– Buhaya mazota baş 400 lêreya Sûrî.
– Buhaya gaza şil 300 lêreya Sûrî.
– Buhaya mazotê ji Zivistanê û çandiniyê 250 lêreya Sûrî.
– Buhaya mazotê ji bo nivîsgehên pêşesazî û xizmetguzariyê 300 lêreyên Sûrî.
– Buhaya tupa (Pitila) gaza malê 8 hezar lêreyên Sûrî.
– Buhaya benzîna baş 65.5 sentên Emerîkî ye.
– Buhaya mazota baş 400 lêreya Sûrî.
Û bê goman ev biryara bilindkirina nirxê sotemeniyê bû cihê pirsgirêkeke pir mezin li cem welatiyan..
Ragihanda ENKS ê
Raport: Hêvî Delî
