Home / Nûçe / XELKÊN HERÊMA DIRBÊSIYÊ LI KURDISTANA SÛRIYA BI LEZ Û BEZ BERÊN XWE DIDIN DÛMANAN.

XELKÊN HERÊMA DIRBÊSIYÊ LI KURDISTANA SÛRIYA BI LEZ Û BEZ BERÊN XWE DIDIN DÛMANAN.

Bûyera şewata zeviyên hemwelatiyên Kurdistana Sûriye, bûye wek çîrokek dirêj her roj bi awayekî cûda ev bûyer tê bihîstin.

Îro di roja sêşemê 15.6.2019 an de, di dema xwarina nîvro (firavîn) li gundê Xirbet ‘Îd yê di navbera bajarê Dirbêsiyê û Tel Temir dikeve , agirekî dijwar rû da. û agir di navbera gundê Xirbet’ Îd û gundê Ferfere yê dikeve rojhilatî gundê Xirbet ‘Îd.

 

Li gorî şopandina nûçegihanê me û hazir bûna wî li ser bûyera agir, dema agir bilind dibû û qiçqiça gulên genim bi ezmana diket dengê qîrîn û hawara jinan li hemû herêmê belav dibû. Û bi alîkariya xelekên herêmê û tîmên vemirandinê û terktoran agir hat vemirandin. Lê ji aliyekî din jî agir bi tirimbêla vemirandinê û terktorekê jî ketibû lê zû hat vemirandin.

 

Di der barê vê yekê de cotkarekî ji gundê Xirbet ‘Îd bi navê Mihemed Mûsa Mihemed, ji peyamnêrê me re axivî û anî ziman di der barê rûdan agir û wiha got :”Sedema vêketina agir ji terektora ku bi patozê re bû, patozê li cem cîranê me zad diçinî û ji nişkê ve dengê qîrîn û hawarê hat ku agir bi zad ket.

Herwiha Mihemed anî ziman ku zadên şewitîn yê me û mala apê min Hisên Elî Lihêmis, ku yê min nêzîkî (15 donim) û yê Apê min Hisên (nêzîkî 60donim).

Herwiha Mihemed anî ziman ku heger ne ji tîmên vemirandinê û terktoran ba zahmet bû ku zû agir hatiba vemirandin.

 

Mihemed di dawiya gotina xwe de spasiya hemû xelkên herêmê kir, û spasiya nûçegehanê me jî kir li beşdarbûna wî li ser bûyerê, û hêvî kir ku dengê belengazan bighînin rêxistinên sivîl û çi kesê ku karibe alîkariya cotkaran bike.

 

Rapor: M.ELÎ Fetah

Ragihandina ENKS ê – Dirbêsiyê

About Ferhad Şêxo

Check Also

Bi wêne :Kabîna nû ya Encumena Wezîran li Herêma Kurdistanê dest bi Civîna xwe kir ..

Leave a Reply

Your email address will not be published. Required fields are marked *