PIŞTÎ RAWESTANDINA CIVÎNAN JI BER KORONA, OFÎSA RAGIHANDINÊ YA NAVENDÎ YA ENKSÊ CIVÎNA ASAYÎ LI BAJARÊ QAMIŞLO LI DARXIST..

Raid Mihemed May 6, 2021 Çalakî, Civak, Nûçe, Raporên Taybet, Wêne 459 Views

Di roja pêncşemê 6.5.2021ê de,ofîsa ragihandinê ya navendî ya ENKSê,piştî rawestandina civînan bi sedema veyrûsa korona careke dî , bi rêveberiya her du berpirsiyarên ofîsa ragihandinê mamoste Hesen Remzî û mamoste Si’ûd Elehmed li Kurdistana Sûrî li bajarê Qamişlo li navenda Tevgera Çaksazî civîna xwe ya asayî li darxist.

Herwiha bi beşdarbûna nûçegehanên giştî û herêmên cûda.

Di destpêkê de xulekek bê deng li ser giyanên pakrewanên Kurd û Kurdistan û li ser giyanê Barzaniyê nemir rawestiyan.

Piştre mamoste Hesen Remzî, berpirsiyarê ofîsa ragihandinê bi xêr hatina hemû nûçegehanan kir.

Û li ser giringiya rola ragihandinê û pêwistiya wê di vê qonaxa hestiyar de ya ku gelê me di wê de derbas dibe anî ziman.

Herwiha mamoste Remzî, rawestiya li ser rol û bandora ragihandinê di aliyê erênî û neyinî de,û ji aliyekî dî jî,rawestiya li ser Zelalmendî û rasteqîna rola ragihandinê li gorî mijaran.

Herwiha berpirsên ofîsa ragihandinê spasiya hemû nûçegehanan kirin, di derbarê nirxandina kar û xebata wan de.

Piştre hemû nûçegehanan nerînên xwe diyar kirin bi awayekî azad û serbest û persivdana taybetmendiyên wan hat dan bi awayekî zelalmendî ji aliyê rêveberiya civatê .

Herwiha civatê hin pêşînyar sitendin di derbarê pêşketina karê ragihandinê de di pêşerojê de .