Home / Nûçe / Mesrûr Barzanî: Kurdistan li pêşiya pinpêkirinên destûrî bêdeng namîn e.

Mesrûr Barzanî: Kurdistan li pêşiya pinpêkirinên destûrî bêdeng namîn e.

Îro Şêwirmendê civata ewlekariya Kurdistanê Mesrûr Barzanî pêşwaziya balyozê Newzealandê yê li Bexdayê Bradley Sadun kir.

Di civînê de rewşa dawî ya deverê, têkiliyên navbera Kurdistan û Îraqê, berdewamiya hemahengiya zêdetir di çarçoveya hewlên navnetewî yên li dijî terorê hatin nirxandin.

Balyozê Newzealandê Bradley Sadun hevdem li gel pesindana rola Kurdistan û hêzên pêşmerge di şerê dijî terorîstan de, amade bûna welatê xwe jî ya ji bo berfiretir kirina têkiliyên navbera Kurdistan û Newzealandê diyar kir û hêviya vê yekê jî xwest ku bilez kêşeyên navbera Hewlêrê û Bexdayê bi dawî werin daku derfet bo aştî aramî û vejandina abûrî were afirandin.

Di berdewamiya civînê de Şêwirmendê civata ewlekariya Kurdistanê Mesrûr Barzanî tekez li ser berdewamiya Kurdistanê di şerê dijî terorê de di çarçoveya hevpeymaniya navnetewî de kir û got: Kurdistan rixmê tevahiya kêşe û astengiyan di rêza pêş ya şerê dijî terorîstan de dimîne.

Derbarê kêşeyên heyî yên di navbera Hewlêr û Bexdayê de jî Mesrûr Barzanî got: Kurdistan dixwaze li gorî destûrê kêşeyên heyî werin çareserkirin lêbelê eger binpê kirina destûra bingehîn ya Îraqê berdewam be vê demê Kurdistan nikare bêdeng bimîne û gelek bijardeyên din yên destûrî li berdem Kurdistanê dene bo ku berevanî ji mafên xwe bike.

About admin

Check Also

ENCÛMENA PAKREWAN CIWAN ELQUTNA YA BAJARÊ DIRBÊSIYÊ Û GUNDEWARÊ WÊ CIVÎNA XWE YA ASAYÎ LI DARXIST…

di roja çarşemê 28.10.2020an de,encûmena xwecihî ya pakrewan Ciwan Elqutna ya bajarê Dirbêsiyê û gundewarê …

Leave a Reply

Your email address will not be published. Required fields are marked *