LI HESEKÊ OFÎSA PARTIYA YEKÎTÎ DÎMIQRATÎ KURDISTANÎ HATIYE ÊRÎŞKIRIN JI ALIYÊ NENASAN VE ….

Li gorî zaniyariyên taybet di şeva roja duşemê 14.12.2020an de,kesên nenas li bajarê Hesekê li taxa Salhiyê li Kurdistana Sûriya êrîşî ofîsa Partiya Yekîtî Dîmiqratî Kurdistanî kirine, û şûşeyê molotof avêtibûn ofîsê û camên pencereyan û derî jî hatin şikenandin û hin alavên ofîsê xerakirin.

Herwiha wek tê zanîn partiya Yekîtî dîmiqratî Kurdistanî ji partiyên ENKSê ye.

Û sekretêra wê xanim Fesla Yûsif e ya ku ji şanda danûsitendinên Kurdî ye ,  yên tên kirin di navbera ENKSê û PYNKê de.

Herwiha wek tê zanîn di van her du rojên derbasbûyî de,ofîsên encûmenên xwecihî yên bi ser ENKSê ve,li bajarê Dirbêsiyê û Amûdê hatin êrîşkirin ji aliyê nenasan û karên xerab kirin.

Hêjaye gotinê ku,yên van karên xerab dikin dixwazin bandorek neyinî li ser danûsitendinên Kurdî bikin û dijwatiya xwe eşker e dikin, ji van danûsitendinan ya ku armanc jê yekrêzî û yekhelwesta Kurdî li Sûriya yê.

Ragihandina ENKSê
raport:Elî Fetah