المجلس الوطني الكوردي في سوريا

Komkujiya Sînemaya Amûdê..

0 60

Roja 13ê mijdara sala 1960an rojeke reş û êş û xemgînî di dîroka kurdan de hatiye nivîsandin bi navê ” Komkujiya Sînema Amûdê”

Ku tê zanîn Di roja 13.11.1960an de ji bo alîkarîya Şoreşa Cezayirê, li Rojavayê Kurdistanê rêveberên bajarê Amûdê yê rejîma Beasê li gor biryara dewleta Sûrîyê, hemû xwendekarên dibistanên seretayî neçar kirin da ku biçin sînemayê li fîlmê  “Cerîmet Nisif el Leyl” (Tewana Nîvê Şevê) temaşe bikin.

Hola ku ji bo 200 kesî ye nêzîkî 500 zarokên kurdan tê de bi cih dikin. Piştî ku hemû zarok dikevin hundurê sînemayê, leşkerên Sûrîyê derî digrin û agir bi sînemayê dixin .

Dema ku zarok şewateyê dibînin yekser berê xwe didin deriyê derketinê, lê mixabin derî ji derve de hatibû girtin û dengê zarokan û pêtên agirê sînemayê bi ax û fîgan ber bi asîmanê ve diket.

Di vê Komkujiya ku bi navê ”Agirê Sînema Amûdê” tê zanîn, 283 zarokên kurdan şewitîn .

Û herwiha li Amûdê piştî vê Komkujiya 1960an êdî carek din sînema nehat avakirin û li şûna wê Baxçeyê Pakrewan hat avakirin, û peykerê Qehreman ” Mihemed Said Axa ” ku di Komkujiyê de gelek zarok ji şewatê rizgar kiribûn hat avakirin…

Ragihandina ENKS ê
Qamişlo…Hêvî Delî
 

Leave A Reply

Your email address will not be published.