Îro Zingilê sala xwendinê ya 2019-2020 li Dibistanên Herêma Kurdistanê hat lêdan ..

Last updated Sep 21, 2019

Îro Roja Şemiyê 21ê Rezbera 2019an

Li seranserî Dibistanê herêma Kurdistanê, xwendin dest pê kir , bi lêdana Zingilê Xwendinê di demjimêr 8ê beyanî .

Her wiha Dibistanên penaberê Rojavayê Kurdistanê li Başûrê Kurdistanê ew jî dest pê kirin wekî yê Herêmê , di derbarê vê yekê de , Mamosteyek ji kampa Kewirgoskê kêfxweşiyê xwe da xuyakirin û got ji malpera me re:” em pir kêfxweşîin bi dest pêka sala nû, hinek arîşeyên me hene lê soz hene ji wezareta perwerde ku ew kêşe û alozî werin çareserkirin, yek jê guhertina rêbazê Xwendinê û girêbesta mamosteyên bi ser rêkxistinên navdewletî ku berî niha palpiştiya mamostetan dikirin lê niha rawestî ne “.

Ji rexê xwe ve jî birêveberê Dibistanên kampa Kewirgoskê Mamoste Rewend Rehman derbarê sala nû ji malpera me re got:” ez sala nû li hemî Şagirt û Mamoste û malbatan Pîroz dikim, îsal hejmara Şagirtên me zêde bûne, û li van rojan wê biryarên nû bigihine me ji Perwerdeyê, em hêvîdarin ku ji bo bercewendiyê şagirtan be “.

Ji alîkî dî ve bavê Yûsif ku dibe Bavê dû Şagirtan ji me re got :” ez Serkeftinê ji hemî Şagirt û xwendevan û mamosteyan re dixwazim, ez bi hêvî me ku guhdaneke bihtir hebe “.

Tê zanîn ku Birêz Mesrûr Barzanî Serokê Hikûmeta Herêma Kurdistanê îro li Dibistanekê li parêzgeha Duhokê amade bû û Zingilê Dibistanê lêxist.