Home / Breaking news / 9 Pêşmerge û 3 sivîl di êrîşeka Daişê de pakrewan ketin

9 Pêşmerge û 3 sivîl di êrîşeka Daişê de pakrewan ketin

Duh 2 /12/2021an , Çekdarên Daişê êrîşî gundê Xidirce yê li herêma Qereçûxê ya bi ser Mexmûrê ve kirin ..

 

Û di encama vê êrîşê de 9 Pêşmerge û 3 sivîl şehîd bûn û 4 Pêşmerge û sivîlek birîndar bûn …

 

Û herwiha navê wan pêşmergeyan ev in:

– Neqîb Fexiredîn Seîd- Raid Nifî Xule- Kamîran Puşo- Senger Şerîf- Şukir Ebuzêd – Yasin Mihemed- Nazim Ebdullah Reza…

 

Û ser vê bûyarê şeva derbasbûyî de wezareta pêşmerge îro roja Înî 3/12/2021 an , daxuyaniyek belav kir û têde ragihand  ..

“Piştî êrişê Hêzên Pêşmerge bi hawara xelkê de çûn û karîn di demeke kurt de rewşê kontrol bikin û terorîst jî reviyan.”

 

Û her li gor daxuyaniya wezareta Pêşmerge, paşê hêzên Pêşmerge li wê navçeyê operasyonek destpêkirin û “yek ji wesayîtên Pêşmerge ket kemîna terorîstên DAIŞê û mixabin 7 Pêşmerge şehîd bûn.”

 

Wezareta Pêşmerge sersaxî ji kesûkarên şehîdan re xwest û ragihand, “Xwîna şehîdên me vala naçe û terorîst û ew ên piştgiriya wan dikin, divê baceke giran bidin.”

 

Di daxuyaniyê de tekezî li ser wê hat kirin, hevahengî û hevkariya di navbera Wezareta Pêşmerge û Wezareta Berevaniya Iraqê û Hevpeymanan de “divê ji vê qonaxa xitimî derkeve, gelek bilez û bêyî çaverêkirin, operasyonên hevbeş destpê bikin û nabe zêdetir rê bi bidin ku cihên hewandinê yên terorîstan wek xwe bimînin û navçe parastî be.”

 

 

 

Ragihandina ENKS ê

Qamişlo…Hêvî Delî , Elî Fetah

About ferhad Şêxo

Check Also

ŞANDEKE SEROKATIYA ENKSÊ BI NÛNERTIYA HERÊMA KURDISTANÊ YA ENKSÊ RE CIVIYA.

Di roja Sêşemê 21.6.2022an de, şandeke desteya serokatiya Encûmena Niştimanî ya Kurd li Sûriyê serdana …

Leave a Reply

Your email address will not be published. Required fields are marked *