XWECIHIYA DIRBÊSIYÊ CIVÎNA XWE YA ASAYÎ LIDARXIST

Encûmena xwecihî ya bajarê Dirbêsiyê û gundewarê wê ya pakrewan Ciwan Elqutna ya bi ser ENKSê ve, li Dirbêsiyê di roja Pêncşemê 5.5.2022an de, civîna xwe ya asayî lidarxist.

Di destpêkê de xulekek bêdeng li ser giyanê pakrewanên Kurd û Kurdistanê û di pêşî de li ser giyanê Barzaniyê nemir rawestiyan .

Herwiha civat rawestiya li ser rewşa rêxistinî.

di derbarê rewşa rêxistinî de, rapora ji ofîsa karûbarê encûmenên xwecihî hat xwendin û hemû endam hatin agahdarkirin bi biryarên nû .

Û civîn bi awayekî berfireh li ser rewşa rêxistinî rawestiya, di derbarê pêşketina xwecihiyê de û bi pêkanîna wê di nava cemaweran de, û tekez kir li ser Pabendîbûn û beşdarbûna civatan, bi taybet beşdarbûna bûyeran.

Di civînê de, amadebûyan rewşa siyasî ya giştî ya Sûriyê, şerê Rûsiya li ser Ukraynayê û bandora vê qeyranê li ser rastiya giştî ya cîhanê û rewşa Sûriyê bi taybetî gotûbêj kirin.

Herwiha dawî pêşhatên siyasî yên li ser qada Kurdistanî û herêmî, ji şewitandina ofîsên Encûmena Niştimanî û partiyên wê ji aliyê çekdarên PYDê ve , û rewşa jiyanê li herêmê, gotûbêj kirin.

Herwiha hemû mijarên hatin şirovekirin, ji aliyê beşdarbûyan ve, hatin gengeşekirin bi awayekî zelalmendî.

Ragihandina ENKSê

Raport:Elî Fetah