ZIRGAN: LIV Û TEVGERA XELKÊ PIŞTÎ TOPBARANKIRINA DEVRÊ JI ALIYÊ TIRKIYA Û ÇETEYÊN BI SER WÊ VE RAWESTIYA YE..

Li gorî zaniyariyan û çavkaniyên xwecihî ji berî çend rojan de, bajarokê Ebû Rasên û Til Temir û gundewarê wê tên topbarankirin bi çekên giran, ji aliyê Tirkiya û komên Çekdar ve yên bi ser wê.

Herwiha di encama van topbarankirinan de, zîyanên mezin gihiştiye nişteciyên wê deverê. Ji ber vê yekê rewşa xelkên devera zirgan bi giştî ketiye metirsiyê û liv û tevgera xelkê pir lawaz dibe.

Di derbarê vê yekê de, çavkaniyekî xwecihî ji devera Zirganê ji malpera me ya ENKSê re ragihand û got:

“Bi rastî, ji berî topbarankirinên vê dawiyê ji aliyê Tirkiya û çeteyên bi ser wê ve, li ser bajê Ebû Rasên û gundewarê wê, liv û tevgera xelkên herêmê bi ber baş bûnê ve diçû, piraniya xelkê vegeriyabûn malên xwe, tevî ku estengiyên jiyanê hene.

Herwiha çavkaniyê taybet got:

“Lê piştî topbarankirinên vê dawiyê ,û hîn berdewam in ji aliyê Tirkiya û komên çekdar yên bi ser wê ve, rewşa xelkên deverê ketiyê metirsî û zahmetiyê de, Ji ber vê yekê liv û tevgera xelkê rawestiya ye, û xelkên bajarê Ebû Rasên kocber dibin û bajar vala dibe, û xwediyên dikanan, dikanên xwe vala dikin û vedighêzin cihek din û hemû tiştên giran wek makîneyên çandiniyên (Derase,Terektor….) vedighezînin cihek din”.

Herwiha di heman demê de jî, nişteçiyên Zirganê gazinan dikin ji civaka navdewletî û bi taybet her du welatên xwedî hêz ( Emrîka û Rûsyayê ) dibêjin, ku bi rola xwe ranabin.

Ragihandina ENKSê

Raport:Elî Fetah