Home / Breaking news / XWECIHIYA TIL TEMIR CIVÎNA XWE YA ASAYÎ LI DAR XISTIN

XWECIHIYA TIL TEMIR CIVÎNA XWE YA ASAYÎ LI DAR XISTIN

Encûmena xwecihî ya bajarê Til Temir a bi ser ENKSê ve, li navenda xwe di roja duşemê 30.8.2021ê de, civîna xwe ya asayî li dar xist.

Di destpêkê de kêlîkek bêdeng li ser giyanên pakrewanên Kurd û Kurdistanê û di pêşî de Barzaniyê Nemir rawestiyan،û piştre mijarnî giring gengeşe kirin.

Herwiha civat di rewşa siyasî de, pêşhatên herî dawîn ên di qada navneteweyî, herêmî û navxweyî de hatin gotûbêj kirin, nemaze sedemên derengmayîna berdewamiya danûstandinên Kurdî-Kurdî di navbera ENKSê û PYNKê de, û pabendiya Encûmenê ji bo helwesta xwe ya saxlem û stratejîk di serkeftina wan danûstandinan de hat diyar kirin.

Herwiha civat rawestiya li ser vegera koçberên Efrînê bo bajarên wan li ser mal û milkên xwe.

Civat rawestiya li ser êrîş kirinên vê dawiyê li ser bajarê Til Temir û Zargan û gundewarê wan ji aliyê Tirkiyê û komên çekdar yên bi ser wê ve.

Û ji aliyekî din ve, civat rawestiya li ser vegera qutkirina ava vexwarinê li Til Temir û Hesekê.

Û di derbarê rewşa rêxistinî de, rapora Ofîsa Karûbarên Encûmenên Xwecihiyan hate xwendin, û rewşa rêxistinî bi awayekî berfire gengeşekirin, û di derbarê wê de, hin pêşinyar hatin stendin ji bo pêşketina karê xwecihiyê di nav cemawer de.

Di dawiya civînê de, M.Zekiya Ehmed Xelef, endama xwecihiya Til Temir û serkirdayetiya Yekîtiya Jinên Kurd li Sûriyê (Rodoz), hat xelat kirin.

Û hêjayî gotinê ye ku M. Zekiya Ehmed Xelef mamosteyek zimanê firinsî ye û pir alîkarî bi xwendekarên herêmê re kiriye û zêdetirî heşt salan di bin banê ENKSê de, di xwecihiya Til Temirê de xebitiye.

Ragihandina ENKSê
Raport:Elî Fetah

About ferhad Şêxo

Check Also

ŞANDEKE SEROKATIYA ENKSÊ BI NÛNERTIYA HERÊMA KURDISTANÊ YA ENKSÊ RE CIVIYA.

Di roja Sêşemê 21.6.2022an de, şandeke desteya serokatiya Encûmena Niştimanî ya Kurd li Sûriyê serdana …

Leave a Reply

Your email address will not be published. Required fields are marked *