Şandek ji rêxistina Duhokê ya Partiya Yekîtî serdana fermandarê giştî yê Leşkirê Roj kir..

Îro roja çarşemê” 10″ê, sibata” 2021″ an de, şandek ji rêxistina Dihokê ya Partiya yekîtî kurdistanî Sûriya, serdana fermandarê giştî yê Leşkirê Roj Eqîd “Dilovan Robarî”, kirin ji bo pîrozbahiya wergirtina wî serkirdayetiya hêzên pêşmergeyên Leşkirê Roj.

Û herwiha ev şand bi seroketiya endamê komîta navendî M,”Ekrem Reşîd “û herwiha hin endamên komîta herêmî pêk hat .

Û di derbarî naveroka vê serdanê M,”Ekrem Reşîd ” endamê komîta navendî ya partiya yekîtî kurdistanî Sûriya, ji malpera ENKS ê re ragihand û anî ziman:

” Di vê serdanê de li ser rola pêşmerge û qehremaniya wan di rûbirûbûna rêxistinên terorîst yên Daîşê de jî bo parastina milet û sînorê xaka pîroz ya kurdistanê ji dijminan bikin anîn ziman”.

Û herwiha ji rexekî dî ve M, “Ekrem “gotina xwe berdewam kir û got :

” Di vê hevdîtinê de em sekinîn ser hevdîtin û danûstandinên têne kirin di navbera aliyên kurdî de Encûmena Niştîmanî ENKS ê û partiyên Yekîtiya Niştîmanî kurdî PYNK de û rol û girîngiya gihiştina nerînek hevbeş ku dikeve di ber berjewendî û xizmeta miletê kurd de taybetî di vê qonaxa hestiyar de .

Û herwiha ji rexekî dî ve ku pêşmergeyên Kurdistana sûriyê yên Leşkirê Roj bi geşbûna hestên Neteweyî û yekbûnê di kar û xebata xwe de berdewam in û hêviya biryarekê ne,  de ku vegerin Kurdistana sûriyê û parastina milet û xaka xwe bikin”.

Û herwiha hêjaya were gotin ku di roja Yekşemê” 7″ ê, sibata “2021 ” an de, Eqîd “Dilovan Robarî “, weke fermandarê giştî yê pêşmergeyên Leşkirê Roj hate destnîşankirin, û bi dest erkê xwe yê nû kir.

Ragihandina ENKS ê
Raport : Hêvî Delî