Şandek ji HDKSê serdana ofîsa Yekîtîya Jinên Kurdistana Sûrîyê kir
Di roja Çarşemê 8/12/2021ê de, şandek ji endamên ofîsa Cîbicîkar ya Hêzên Demokrat ên Kurdî li Sûriya, serdana navenda Yekîtiya Jinên Kurdistan Sûriya li bajarê Qamişlo kir, ku ji M.Nesir Îbrahîm, D.Selah Mûrad û M.Menar Osman endamên ofîsa cîbicîkar û M.Dilşa Ebdurihman endama emîndariya giştî ya HDKSê pêk dihat.
Û şand hat pêşwazîkirin, ji aliyê berpirsa Yekîtiya Jinên Kurdistan xanim.Ariya Cuma û hejmarek ji endamên destaya rêveber ve”.
Di derbarê naveroka vê hevdîtinê de M.Menar Osman endama ofîsa Cîbicîkar ya HDKSê ji malpera me ya ENKSê re, ragihand û anî ziman:
“Îro li ofîsa Yekîtiya Jinên Kurdistana Sûriyê, şandek ji Hêzên Demokrat ên Kurdî li Sûriya, bi berpirsa Yekîtiya Jinên Kurdistan, Xanim Ariya Cuma û endamên desteya îdarî re civiyan û têde her du aliyan rewşa Sûriyê bi giştî û rewşa kurdî bi taybetî gotûbêj kirin”.
Herwiha Osman got jî:
“Di hevdîtinê de her du aliyan li ser rêyên piştgirî û pêşxistina Encûmena Niştimanî ya Kurdî li Sûriye, nêrînên xwe danûstandin û tekezî li ser giringiya rola jinan û piştevaniya wê ji bo gihiştina navendên biryardanê kirin”.
Di dawiya hevdîtinê de, her du alî tekezî li ser berdewamiya civînên dualî ya ku dikeve xizmetkirina gelê Kurd kirin.
Ragihandina ENKSê
Raport: Elî Fetah û Hêvî Delî