Home / Breaking news / Ronahiyek ser Jiyana Qazî Mihemed di bîranîna şehîdbûna wî ya 75emîn ..

Ronahiyek ser Jiyana Qazî Mihemed di bîranîna şehîdbûna wî ya 75emîn ..

Pêşewa Qazî Mihemed serokomara kurdistanê ya ku di sala “1946” an, hat ragihandin li Rojhilatê kurdistanê, ku Mehebad paytexta wê bû.

Pêşewa Qazî Mihemed sala “1901” li bajarê Mehebadê ji dayîk bûye, û yek ji kesayetên xuyabû di dîroka kurdî de û xwedî çandek berfireh bû, û di zimanên Erebî, Fransî, Inglîzî û Rûsî de jî şareza bû.

Herwiha pêşewa Qazî Mihemed tevlî partiya Xoybûnê bû, ku xebata wê hat ragihandin di sala “1927” an de, bi alîkariya Ihsan Nûrî Başa ji kurdistana Bakurê.

Di sala “1944” an de, rêxistinek kurdî bi navê” Komela Vejandina Kurdî ” hat avakirin ku bû bingeh ji damezrandina Partî Demoqiratî Kurdistanî _Îran, ku pêşewa “Qazî Mihemed” yek ji damezrênerên wê bû.

Di 16/12/1945 an, li qada (Çarçira), li Mehebadê de, di ahengek mezin de Pêşewa Qazî Mihemed veqetandina herêma Mûgiryan ji rêjîma Îranê ragihand û alayên Îranê ji dezgeh û dibistanên anîn xwarê û alaya kurdistanê hildan û bilindkirin.

 

Di 22/1/1946 an de,damezrandina komara kurdistanê bi serperiştiya Partî Demoqiratî Kurdistanî û ji bilî hemû alozî û arîşeyên zehmet ve, bajarê Mehebadê bo paytexta komarê û nava mezintirîn qad e ji qadeyên komarê, Pêşewa Qazî Mihemed hate hilbijartin ku bibe yekemîn serokomara dewletê, û di dîrokê de yekem car Ala kurdistanê bi destê Qazî Mihemed hate berz û bilind kirin.

 

Û herwiha Qazî Mihemed berî were bi darvekirin çend weseyetên ji miletê kurd re anî ziman :

Ji hevdu re dijminatî nekin, hevdu biparêzin û ji hevdû re alîkar bin.

 

Li hemberî zulm û zordariya dijmin xwe biparêzin, xwe nefiroşin dijmin.

Neteweya kurd jî, wek her miletekî ye û wek neteweyên din ti kêmasiyê wê nîne.

Neteweya kurd jî wek neteweyên din yên ji bin bindestî xelasbûne.

Divê hûn jî wek neteweyên din ji bin bindestî derkevin û azad bibin.

 

Û herwiha di” 31 ê” Avdara “1947” an de, Pêşewa Qazî Mihemed û çend hevalên xwe ji aliyê Îranê ve hatin darvekirin.

 

Ragihandina ENKS ê

Raport: Hêvî Delî

About ferhad Şêxo

Check Also

ŞANDEKE NÛNERTIYA HERÊMA KURDISTANÊ YA ENKSÊ BEŞDARÎ MEREASÎMA 60 SALIYA DERBASBÛNA TEVLÊBÛNA SEROK MESÛD BARZANÎ NAV HÊZÊN PÊŞMERGE BIBÛ

Li ser vexwendina Dezgeha Sehniger û Pêşmerge ,di roja Înê 20.5.2022’an de, şandeke nûneratiya Herêma …

Leave a Reply

Your email address will not be published. Required fields are marked *