Home / Breaking news / NAVEROKA HEVDÎTINA DI NAVBERA TEVGERA ÇAKSAZIYA KURDÎ-SÛRIYA Û PARTIYA YEKÎTÎ KURDISTANÎ-SÛRIYA.

NAVEROKA HEVDÎTINA DI NAVBERA TEVGERA ÇAKSAZIYA KURDÎ-SÛRIYA Û PARTIYA YEKÎTÎ KURDISTANÎ-SÛRIYA.

Di roja Sêşemê 28.12.2021ê de, Şandeke ji Partiya Yekîtî Kurdistanî – Sûriyê bi serokatiya Mamoste: Silêman Oso sekreterê partiyê û endamtiya her yek ji M. EbdulÎlah Ocê cîgirê sekreter, M. Merûf Mela Ahmed, û M. Mihemed Mistefa û M. Ferhan Merî endamên ofîsa siyasî serdana ofîsa Tevgera Çaksaziya Kurdî li Sûriyê li Qamişlo kirin.

Herwiha şand ji aliyê hevrêzê giştî yê tevgerê M.Fêsel Yûsif û her yek ji M. Kazim Xelîfê, M.Welîd Ferman û M. Feyrûşa Ebdurihman endamên Nivîsgeha Cîbicîkar û M. Resûl Umer endamê hevrêziya giştî ve, hatin pêşwazîkirin.

 

Herwiha Her du aliyan, tekezî li ser giringiya van civînan kirin, ji bo bihêzkirina yekrêziya helwestan ji bo xizmetkirina doza kurdî û dîtina Encûmena Niştimanî wek çarçoveyeke qebûlkirî ji bo parastina mafên gelê kurd.

Herwiha her du aliyan li ser rêyên pêşxistina ENKSê û mekanîzmayên ku dikarin bên dîtin ji bo aktîvkirina wê li ser bingeha pirensîpa beşdarbûn û sazîbûnê ya ku Encumen li ser hatiye avakirin û pêwîstiya kar bi hemû îmkanan û bi hemû pêkhateyên Encûmena Niştimanî ya Kurdî re gotûbêj kirin, û tekezî li ser lêgerîna gihandina kongreya netewî ya çaremîn wek destpêkek nû ji bo Encûmena Niştimanî da ku bibe derbirînek bi bandor ji daxwaz û armancên gelê kurd re, û nêrînên her du aliyan di vî warî de nêzî hev bûn.

Herwiha hevdîtin bi awayekî zelalmendî, biratî û welatparêziya bilind serdest bû

Di dawiyê de, Her du alîyan li ser peywendiyên du alî û giringiya berdewamkirina van civînan gotûbêj kirin, ku dê Encûmena Niştimanî ya Kurdî bihêztir bike di xizmeta doza kurdî de.

Ragihandina ENKSê
Raport:Elî Fetah

About ferhad Şêxo

Check Also

ŞANDEKE SEROKATIYA ENKSÊ BI NÛNERTIYA HERÊMA KURDISTANÊ YA ENKSÊ RE CIVIYA.

Di roja Sêşemê 21.6.2022an de, şandeke desteya serokatiya Encûmena Niştimanî ya Kurd li Sûriyê serdana …

Leave a Reply

Your email address will not be published. Required fields are marked *