LI HESEKÊ ENDAMÊ DESTAYA SEROKATIYA ENKSÊ MAMOSTE SILÊMAN OSO BI ENCÛMENÊN XWECIHÎ YÊN BAJARÊ HESEKÊ RE CIVIYA.

Di roja înê 15.1.2021ê de,endamê desteya serokatiya ENKSê, mamoste Silêman Oso, sekretêrê partiya Yekîtî Kurdistanî li Sûriya, bi her du encûmenên xwecihî yên bajarê Hesekê yên bi ser ENKSê ve,civiya.

Destpêka civatê de xulekek bêdeng li ser giyanên pakrewanên Kurd û Kurdistan û di pêşî de li ser giyanê Barzaniyê nemir rawestiyan.

Herwiha mamoste Elî Dawid,endamê emîndariya giştî yê ENKSê bi xêr hatina mamoste Silêman Oso kir û axaftin da wî.

Herwiha mamoste SilêmanOso,

rawestiya li ser nirxandina kar û xebata ENKSê û piroja wê yî neteweyî û rola wê ya giring di nav civaka navdewletî de.

Herwiha Oso li ser hemû bûyerên herî dawî yên siyasî û bi taybet li ser rewşa kurdî -kurdî di derbarê têgihiştinên herî dawî ji danûsitendinên Kurdî yên tên kirin di navbera ENKSê û PYNKê de.

Û tekez kir li ser giringiya serkeftina van danûsitendinan ji bo parastina mafê gelê kurd di Sûriya siberojê de.

Ya ku PYDê hawildanan dike ji bo rê li hember van danûsitendinan bigre.

Herwiha endamê serokatiya ENKSê, rawestiya li ser Eniya Aştî û Azadî û hawildan li ser firebûna wê heye.

Herwiha hemû endamên her du xwecihiyan hemû mijar gengeşe kirin bi endamê desteya serokatiya ENKSê û bi taybet rewşa rêxistinî ya ENKSê,û di derbarê wê de,beşdarbûyan tekezî li ser kar bi awayekî sazûmaniyê di nava hemû ofîsên ENKSê,û pêwîstî bi pêxistina ofîsên yên ku têkiliyê wan bi werzîş,ciwanan,jinan û zarokan heye.

Herwiha di dawiya civatê de,mamoste Elî Dawid spasiya endamê desteya serokatiya ENKSê mamoste Silêman Oso kir li ser beşdarbûna wî û nirxandina hemû mijaran .

Ragihandina ENKSê
Raport:Elî Fetah