KOBANÊ : ŞANDEK JI PDKSê SERDANA OFÎSA PARTIYA YEKÎTÎ KIR…

Di roja yekşemê 24.1.2021ê de,şandek ji PDKSê , bi serokatiya endamê ofîsa siyasî mamoste Ebdulkerîm Mihemed serdana ofîsa partiya Yekîtî Kurdistanî li Sûriya li bajarê Kobanê kir.
Herwiha şanda PDKSê hatin pêşwazîkirin ji aliyê endamê komîta siyasî mamoste Weyis Şêxê û endamên rêveber ya rêxistina Kobanê ya PYKSê.

Herwiha di vê hevdîtinê de,mijarên giring hatin gengeşekirin û bi taybet bi awayekî berfireh li ser danûsitendinên Kurdî yên tên kirin di navbera ENKSê û PYNKê de.

Û tekez kirin li ser berdewamiya van danûsitendinan.

Herwiha di derbarê ragihandina dawî ya serokê şanda PYNKê de,di derheqê Pêşmergeyên Roj de, her du aliyan gengeşe kirin û rasteqîna rola Pêşmergeyên Roj ji bo parastina herêmên Kurdî diyar kirin.

Herwiha her du aliyan li ser rewşa ENKSê baş rawestiyan.

Herwiha tekez kirin li ser derxistina komên Çekdar ji herêmên Kurdî(Efrîn,Serê kaniyê û Girê Spî) ta hemû koçber û penaber vegerin ser mal û milkên xwe û binpêkirinên di derheqên xelkên herêmê yên dibin bi dawî bibin, û di derbarê wê de civaka navdewletî kirin berpirsiyar.

Wek tê zanîn ku herdû partî di nava  ENKSê de ne û ji damezirandinên wê ne.

Ragihandina ENKSê
Raport:Elî Fetah