Hemwelatiyên Kurdistana Sûriyê bi kêf û xweşiyê pêşwaziya cejna Qurbanê kirin

Roja sêşemê “20”ê Tîrmeha 2021an, wek roja yekem a cejna qurbanê li seranserî Sûriyê hat ragihandin , û di vê derbarê de xelkên bajarê Qamişlo yê Kurdistana Sûriyê bi geşbûn û xweşî û bi pîrozbahî  pêşwaziya cejna qurbanê kirin..

Û hêjaya were gotin ku ji kefneşopên cejnê hemwelatî serê sibê berê xwe didin mizgeftan ku nimêja cejnê bikin û piştre serdana goristanan dikin ..

Û herwiha zarok jî li kolanan digerin û cejin bi çoş û xweş dibe bi kêfxweşiya zarokan..

Û di heman mijarê de hemwelatiyek ji Qamişlo ji malpera me kêfxweşiya xwe diyar kir û wiha got: pîrozbahiyeke germ bi boneya Cejna qurbanê li hemû miletê misilman li cîhanê û pêşmergeyên dilsoz û Qehreman ku di singerên şer de cejna xwe diborênin pîroz dikim û hêviya hemû cejn bi şadî û xweşî û bi aramî û aştî derbasbibin ..

Û herwiha derbarî rewşa Cejna qurbanê li bajarê Dêrikê ….

hemwelatiyek ji bajarê Dêrikê yê Kurdistana Sûriyê ji me re behsa rewşa roja yekem ji cejnê kir û anî ziman: Cejna qurbanê li hemû cîhanê pîroz dikim, û bi awayekî aramî û kêfxweşî milet cejna xwe derbaskirin û her hêviya wan ew bû ku cejnên werê her kes li welatê xwe vegera û cejna xwe di nav malbat , û dost û hevalên xwe derbasbikin….

Û herwiha hêjaya were gotin ku ji bilî hemû astengiyên xelk tê de derbas dibin li Kurdistana Sûriyê, lê îro hemwelatî cejna xwe dûrî êş û azaran bi dilgeşî bi rêvebirin….

Ragihandina ENKS ê
Raport: Hêvî Delî