ENCÛMENA XWECIHÎ YA BAJARÊ EBÛ RASÊN Û GUNDEWARÊ WÊ CIVÎNA XWE YA YASAYÎ LIDARXIST..

Duho di roja sêşemê 26.5.2020,an de,encûmena xwecihî ya bajarê Ebû Rasên û gundewarê wê ya bi ser ENKSê ve,civîna xwe ya yasayî li darxistin,û li ser lîsta kar sekinîn bi rêkûpêk.

Di destpêkê de xulekek bê deng li ser giyanên pakrewanên Kurd û Kurdistan rawestiyan , Piştre li ser rewşa rêxistinî baş hat gengeşekirin ,
Û hin pêşînyar jî hatin sitendin  , di derbarê pêşketina xwecihiyê de.

Û tekez bû li ser Pabendbûna hemû endaman ji bo beşdarbûna civatên xwecehiyê yên yasayî û awerte.

Herwiha Xwecihî li ser rewşa siyasî jî baş hat sekinandin , Bûyerên herî dawî yên nû li ser rawestiyan , Bi taybet xwecehî rawestiya li ser hevdîtinên ENKSê û PYDê ji bo yek helwesta Kurdî.

Herwiha civat rawestiya li ser rewşa aborî jî,ya ku xelkên herêmê ketine metirsiyê ji bo debara jiyana xwe piştî bilindbûna nirxê dolar.

Her wiha Civat rawestiya li ser rewşa herêmên Kurdistana Sûriye û karên xerab yên ku rojane, di derheqê gelê wê yê resen dibe ji aliyê komên çekdar yên bi piştgirtiya Tirkiya , Mîna wêranbûn,talanbûn,revandin,girtin, Şewitandina  zeviyan û kuştin …htd

Herwiha civatê bi tundî şermezar kir.

Herwiha ji aliyekî dî jî, civîn rawestiya li ser rewşa koçberan û penaberan.

Herwiha civat bi taybet rawestiya li ser liv û tevgera jiyana xelekê di nava bajarê Ebû Rasên de, ya ku jiyan lê rawestiya bû,piştî êrîşkirina Turkiya û komên Çekdar yên bi ser wê ve,li ser herêmên Kurdistana Sûriye.

Ragihandina:ENKS

Raport:ELÎ Fetah