Dezgeha Barzanî Alîkariya Penaberên kampa Berdereş dike ..

Dezgeha xêrxwazî ya Barzanî, di roja pênçşemê” 14″ ê Nîsana” 2020 ” an,li kampa berdereş ya penaberên Rojavayê Kurdistanê alîkariyên mirovî li ser penaberan de belav kirin.

Û herwiha di derbarî vê mijarê de M,”Dijwar Tewfîq ” serokê encûmena kampa Berdereş, ji malpera ENKS ê rê ragihand û wiha anî ziman û got :

”  bi hemahengî û serpiriştiya Dezgeha xêrxwazî ya Barzanî “BCF”, minheyek ji pareyan pêşkêşî penaberên Kurdistana Sûriya yên li kampa Berdereş dimînin kirin,”.

Tewfîq her amaja bi wê yekê kir ku her li ser malbatekê ji penaberan” 300″ dolar hate belavkirin, û her xortek jî” 100″ dolar ji wan re hatin pêşkêşkirin,
Û herwiha Tewfîq berdewam kir gotina xwe :

”  ev necara yekem e  alîkariyên mirovî ji bilî xêrxwazî ya Barzanî ve tê dabeşkirin li tevahiya nişteçiyên kampê ji kelûpel û kerestên xwarinê”.

Û herwiha ji rexekî dî ve li ser rewşa penaberan li kampa Berdereş M,”Dijwar Tewfîq ” tekezî kir ku gelek kêmasî ji aliyê rêxistinên navdewletî ve hene û hêvîdarên ji rêxistinan di gel êş û azarên koçberên di vê kampê de xwedî derkevin û alîkariy malbatên pêwîst û xwedan pêdiviyên teybet û malbatên sêwî bikin, û di vê rewşa awarte de û nexasim di çarçoveya belavbûna koronayê li tevahiya cîhanê û derketina qedexeya hatûcûnê ji derveyî kampê û rawestandina Kar bandor li ser jiyana welatiyan kir.

Û di dawiyê de M,”Dijwar Tewfîq ” spasiyeke germ li Hikûmeta Herêma kurdistanê kir û herwiha Dezgeha xêrxwazî ya Barzanî û li ser berdewamiya karê wan di alîkariya penaberan de..

tê zanîn ku di 10 ê cotmeha sala 2019 an, û piştî Topbarankirin û êrîşkirina artêşa Tirkiyê û çekdarên opozisiyonê yên Tindrew  li ser Rojavayê Kurdistanê ku ev yek bo sedema derketina pêleke nû ji koçberkirin û derbiderbûna hejmereke mezin ji welatiyan bo herêma kurdistanê û Hikûmeta Herêma kurdistanê di vê derbarê de rê li pêşiya penabaran vekirin û pêşweziya wan hat kirin û li kampa berdereş hatin niştecîkirin û herwiha Dezgeha xêrxwazî ya Barzanî bi rola xwe hertim di amadepaşiyê de ye ji bo pêşkêş kirina alîkariyan li ser kampên penaberan yên Kurdistana sûriyê….

Ragihandina ENKS ê
Qamişlo… Hêvî Delî