المجلس الوطني الكوردي في سوريا

XWECIHIYA AMÛDÊ CIVÎNA XWE YA ASAYÎ LI DAR XISTIN Û SEROK Û DU CÎGIRÊN WÎ HILBIJARTIN.

0 54

Encûmena xwecihî ya bajarê Amûdê ya bi ser ENKSê ve, li navenda xwe di roja duşemê 1.11.2021ê de, civîna xwe ya asayî lidarxist.

 

Di destpêkê de kêlîkek bêdeng li ser giyanên pakrewanên Kurd û Kurdistanê û di pêşî de Barzaniyê Nemir rawestiyan, û piştre serokê xwecihiyê bi xêrhatina hemû endaman kir, û rapora Ofîsa Karûbarên Encûmenên Xwecihiyan hate xwendin.

 

Herwiha xwecihî li ser salvegera dehemîn ya damezirandina ENKSê, ku di 26ê heyva 10 an de, ahing bo wê hatibû lidarxistin gengeşe kirin, û civatê partiya Dîmiqratî Kurdistanî pîrozbahî kir li ser serkeftina wê di hilbijartinên parlemanê Iraqê de.

 

Li hêleke din, endaman gefên Tirkiyê yên vê dawiyê, red kirin û nepejirandin.

Û hemû binpêkirinên li herêmên Kurdî (Efrîn, Girê Spî û Serê Kaniyê) di derheqên xelkên resen ji aliyê komên çekdar yên bi ser Tirkiya ve, şermezar kirin.

Di dawiya civînê de, serokatiya nû ji bo encûmena xwecihî hate hilbijartin, ku her M.Ebdelah Ahmed wek serokê encûmena xwecihî li Amûdê, û M.Fewaz Bengo û M.Hindiya Yûsif wek cîgirên wî hatin hilbijartin.

 

Ragihandina ENKSê

Raport:Elî Fetah

 

 

 

 

 

Leave A Reply

Your email address will not be published.