Home / Breaking news / XWECIHIYA DIRBÊSIYÊ Û GUNDEWARÊN WÊ BÎRANÎNA PAKREWANÊN 12Ê AVDARÊ BI VÊXISTINA MÛMAN VEJAND…

XWECIHIYA DIRBÊSIYÊ Û GUNDEWARÊN WÊ BÎRANÎNA PAKREWANÊN 12Ê AVDARÊ BI VÊXISTINA MÛMAN VEJAND…

Di êvara 11ê avdara 2022an de, encûmena xwecihî ya bajarê Dirbêsiyê û gundewarên wê ya pakrewan Ciwan Elqutna ji bo wefadariya pakrewanên 12ê avdara 2004an bi vêxistina mûman ew bi bîranîn .

 

Di derbarê vê yekê de, xanim Sû’ad Osê cîgera serokê xwecihiya bajarê Dirbêsiyê ji malpera me ya ENKSê re ragihand û anî ziman:

“Wek hûn dizanin îşev  salvegera 18emîn ya pakrewanên serhildana Qamişlo ye. Her sal  Şeva 11-12 ê avdarê li seranserî Cîhanê kurd vê Şevê ji bo wefadariya pakrewanên 12ê avdara 2004,an bi vêxistina mûman vedijînin”.

Herwiha Osê got jî :

“Li gorî biryara ENKSê ji bo bîranîna roja pakrewanên 12ê avdarê li seranserî xwecihiyên bi ser ENKSê û Gelê kurd Mûm bên vêxistin  ,

Em jî wek encûmena xwecihî ya bajarê Dirbêsiyê û gundewarê wê ya pakrewan Ciwan Elqutna ya bi ser ENKSê ve ,

Me jî bi beşdarbûna kesayetên serbixwe û nûnerên civaka sivîl û rewşenbîr û nûnerên partiyên siyasî li navenda PDKSê li bajarê Dirbêsiyê Pakrewanên serhildana Qamişlo bi bîr tînin bi vêxistina mûman “.

Herwiha Osê got jî:

“Wek tê zanîn me wek xwecihiyê vexwendinek giştî jî belavkiriye ji bo beşdarbûna gelê me yê herêmê sibe 12ê avdarê demjimêr 11ê sibeha li pêşiya ofîsa PDKSê li bajarê Dirbêsiyê ji bo vejandina Roja pakrewanan bi rengê rawestandina 5ê xulekên bêdeng li ser giyanên pakrewanên 12ê avdara 2004an yên serhildana Qamişlo.

Wek tê zanîn piştî serhildana 12ê avdarê sala 2004,an ku tê naskirin bi (Serhildana Qamişlo) ku li Kurdistana Sûriye bûye roja pakrewanan .

 

Ragihandina ENKSê

Raport:Elî Fetah

About ferhad Şêxo

Check Also

HERÊMÊN KURDISTANA SÛRIYÊ TÊN TOPBARAN KIRIN JI ALIYÊ TIRKIYA Û CIVAKA NAVDEWLETÎ BÊDENG DIMÎNE.

Di şeveq û sibeha roja Duşemê 8.8.2022an de,Herêmên Kurdistana Sûrî hatin topbaran kirin ji aliyê …

Leave a Reply

Your email address will not be published.