TIRBESIPIYÊ: RÊXISTINA ROJHILATA YA PYK-Sê BI BONEYA 47EMÎN SALVEGERA KEMERA EREBÎ LI BAJARÊ TIRBESIPIYÊ SEMÎNAREK LI DAR XIST.

Di roja Şemiyê 26ê pûşberê sala 2021ê de, bi vexwendineke ji rêxistina rojhilatê ya PYK-Sê li bajarê Qamişlo, semînarek li bajarokê Tirbespiyê bi boneya 47emîn salvegera kemera Erebî ya nejadperest ku ji aliyê rêjîma Sûrî pêk anîbûn li Cizîrê li darxistin.

Herwiha Semîner ji aliyê mamoste Mihemed Zekî Osê li ofîsa xwecîhiya Tirbespiyê ya bi ser ENKSê ve hat bi rê ve birin, piştî bi dawîbûna civîna xwecîhiyê ya asayî .

Herwiha bi beşdarbûna kesayetên rewşenbîr û kesayetên ramiyarî ji tevgera kurdî û rêxistinên jin û ciwanan.

Herwiha mamoste Zekî Osê di Fêrdana xwe de, hemû rêkeftinên xerab yên hatine kirin di derheqê gelê kurd de anî ziman, ji destpêka Pevçûna Caldîran û ta piroja kemera Erebî ya nejadperest.

Ya ku rêjîma Sûrî di derheqê gelê kurd de kir li seranserî sînorê Kurdistana Sûrî û Tirkî.

Herwiha di semînar de, hat xuyakirin
xwediyê vê pirojê serokê ewlehiya siyasî Mihemed Teleb Hilal bû ya ku armanc jê nişteçiyên pêkhatiyên Ereb ji parêzgeha Reqa û gundewarên Helebê bînin yên ku erdên wan binavbûn û wan li seranserî sînorê herêmên Kurdistana Sûrî û Kurdistana Tirkî bicih bikin, ya ku hejmara wan gihişt 4000 malbata li gundên kurdan ji Dêrikê û ta gundewarên Serê kaniyê.

Û di derbarê wê de, Osê da xuyakirin li ser neyiniyên vê pirojê di derheqê gelê kurd yên resen ku ji hemû mafên xwe yî rewa bê par man wek Milkiyet, xwendin û regezname û ji xeynî wan jî ji mafê mirovahiyê.

Herwiha M.Zekî Osê di dawiya Fêrdan xwe de da xuyakirin ku ta niha ev piroja kemera Erebî berdewame li ser gelê kurd ta ev fêrdan tê pêşkêş kirin ji koçberî û guhertina demografî li herêmê.

Herwiha di semînerê de beşdarên ji hemwelatiyên gundewarê Tirbespiyê û ku erdên wan ji wan hatibû standin û di nav wan de kesên ku di wê qonaxê de jiyan dikirin diyar kirin mekanîzmaya bicîhanîna vê biryarê..

Ragihandina ENKSê
Raport:Elî Fetah