Home / Nûçe / Serok Barzanî: Referandom bicîkirina erk û peyameke rast û rewa bû.

Serok Barzanî: Referandom bicîkirina erk û peyameke rast û rewa bû.

Serok Mesûd Barzanî li gel berpirsên siyasî û hizbî û îdarî yên devera Badînan civiya û ragihand, ku Referandom bicîkirina erk û peyameke rast û rewa bû.

Îro li Bajarê Dihokê Serok Mesûd Barzanî li gel berpris û rêvebir û endamên liq û navçe û endamên parleman ji firakisyona PDK û berpirsên îdarî û siyasî û kadirên pêşketî yên Partî Dîmukratî Kurdistan li devera Badînan civiya.

Di civînê de Serok Barzanî gotinek ji bo amadebûyan pêşkêş kir û têde sipasiya helwest û qurbanîdana cemawerî û serberzî ya devera Badînan kir di şerê dijî terorê de û beşdariya berfireh ya wê deverê di piroseya referandumê de.

Herweha Serok Barzanî sipasiya xweragirî û qurbanîdan û pabendbûna xelkê wê deverê bi pirsên netewî û niştimanî kir û silavên xwe ji bo canên pak yên şehîdan şand û hêvî xwest ku tendirustiya Pêşmergên birîndar yên şerê DAIŞê zû baş bibe.

Di dirêjiya gotina xwe de, Serok Barzanî bal kişand ser dawîn pêşveçûnên siyasî û hûrkariyên bûyerên 16ê Cotmeha derbasbûyî û qonaxa piştî referandumê û helwesta civaka navdewletî û reftar û bersivdana hikûmeta Iraqê derbarê wê pirsê ji amadebûyan re şirove kir.

Serok Barzanî behsa wan sedeman kir ku hiştin gelê Kurdistan biryara referandumê bide û tekez kir ku referandum bicîkirina erk û peyameke rast û rewa bû

Derbarê rewşa Herêma Kurdistanê, Serok Barzanî tekezî li ser pêwîstiya encamdana hilbijartinan kir wek çareseriyeke guncayî ji bo çarekirina kirîza siyasî li Herêma Kurdistan û diyar kir, ku pêwîst e çanda pêkvejiyana pêkhateyê netewî û olî yên Herêma Kurdistanê wek xwe bimîne û bê parastin û erk û mafên hemû aliyekî bi wekhevî bên diyarkirin.

Kurdistan 24

About admin

Check Also

Xwecihiya rojhilatî Qamişlo civîna xwe ya asayî li dar xist

Encûmena xwecihiya rojhilatî Qamişlo ya bi ser ENKSê ve, îro înê 30ê Cotmeha 2021 an, …

Leave a Reply

Your email address will not be published. Required fields are marked *