Salvegera 8emîn ser Şehîdbûna Xebatkar Nesredîn Birhik derbas dibe …

Bi boneya Salvegera 8emîn ser koça Dawî ya pakrewan Birhik , ronahiyek li ser Jiyana wî  ….

Xebatkar û pakrewanê gotina rastiyê Nesredîn Birhik, ku ji dayîk bûna sala “1960” an, li gundê” Kevrê dena” ye yê girêdayî bi navçeya Çil Axa ve,

û bi niştîmanperweriya xwe di hat naskirin di devrê de , û herwiha Xwendina xwe ya seretayî li gundê xwe kir, û piştre Xwendina xwe ya qonaxa amadeyî û navendîli dibistanên bajarê Çil Axa bi dawî kir , û piştre ew li peymangeha Dêrezorê bawernameya Pêşesaziyê beşê Eletirîkê wergirt,

Û herwiha derbarî karê mamoste Nesredîn Birhik di warê xebata siyasî de :
Pakrewan Nesredîn Birhik ji destpêka ciwaniya xwe ve tevlî nava refên Partî bû, û ji ber beweriya wî ya bi hêz di raman û heskirina netewî û piştevaniya wî ji ciwanan re , ew Kar di rêxistinên xwendekaran de li Çil Axa û Hesekê û Dêrezorê dikir,

û herwiha ji bo karê wî ya neteweyî û niştîmanperweriya wê di Partî de hat hilbijartin weku endamê komîta Nevendî.
Û di sala” 1998″ an de, weku endamê polîtbîroya Partî hat hilbijartin.
Pakrewan Nesredîn Birhik ji ber rola wî ya diyar û berçav di Kar û xebatê de li ser rêbaza Barzanî di Partî û di nava rêzên tevgera rizgarîxwaza kurdistana sûriyê de, ji ber vê yekê Birhik bû armanca rêjîma Esed û gelek caran rastî gefên girtina rêjîmê hat kirin, û di sala “2004” an de, piştî beşdarbûna” Birhik” di raperîna rojavayê kurdistanê de û daxwaza wî doza azadiya gelê kurd, ji ber vê yekê rêjîmê ew girt,
û di sala 2009 an de, careke din ji aliyê rêjîmê ve hat zindan kirin, lê ev yek nebû kelem li pêşiya berdewamiya xebata Birhik ya neteweyî.
û herwiha tê zanîn ku di 13 ê Sibata 2012 an de, şehîd “Nesredîn Birhik” ji aliyê girûpek nenas ve hate gulebarankirin, û ji bo nexweşxaneya Nor ya bajarê Qamişlo ve hate veguhestin, lê ji ber giranbûna birînên wî hate veguhestin ji bo nexweşxaneya Martînî ya parêzgeha Helebê, lê di roja 22 ê heman Heyîvê de, bavê Ela jiyana xwe ji dest da û şehîd bû, û li gundê Kevrê dena bi beşdarbûneke mezin ji xelkên deverê û partiyên siyasî û encûmena niştîmanî û rêxistinan û keseyetên siyasî û rewşenbîrî û neteweyî û kesûkarên wî bi axê hat spartin..

Ragihandina ENKS ê
Hêvî Delî