HEVDÎTINEK DI NAVBERA ŞEPÊLA PÊŞEROJA KURDISTANÎ Û TEVGERA ÇAKSAZI YA KURDÎ ÇÊBÛ ..

Di roja pêncşemê 20.5.2021ê de, hevdîtinek di navbera Şepêla pêşeroja Kurdistana Sûriyê û Tevgera Çaksaziya Kurdî – Sûriya li bajarê Qamişlo li navenda Tevgera Çaksazî  hat li darxistin.

Û mijarnî giring hatin gengeşekirin.

Herwiha şanda TÇKSê bi serokatiya hevrêzê giştî yê TÇKSê mamoste Fêsel Yûsif û M.kazim Xelîfê endamên ofîsa cîbicîkar û Îsam Ahmed endamê hevrêziya giştî û Ezîz Behlewî nûnerê Tevgerê di encûmena xwecihî ya rojavayê Qamişlo .

Herwiha şanda Şepêla pêşeroja Kurdistana Sûriyê jî bi serokatiya M.Ekrem Hisên, serokê destaya Cîbicîkar, û M.Ferhad Temê endamê destaya cîbicîkar û endamên rêxistina Qamişlo M.Azad Ferman û M.Xensa Ferman.

Di derbarê naveroka vê hevdîtinê de, mamoste Kazim Xelîfê ji malpera me ya ENKSê re ragihand û anî ziman:

” Her du alî bûyerên siyasî yên nû li ser qada navdewletî û li ser qada Sûrî û ya Kurdî giftûgo kirin.

Û bi awayekî taybet rawestiyan li ser rewşa herêmên Kurdî (Efrîn,Serê Kaniyê û Girê Sipî).

Herwiha li ser rewşa ENKSê baş hat sekinandin û tekez kirin li ser pêdekariya wê ji ber ku dibînin ENKSê navnîşaneke neteweyî ye û divê parastina wê bibe, û tekez kirin li ser pêşketina wê bibe.

û bi awayekî berfire li ser danûsitendinên Kurdî yên di navbera ENKSê û PYNKê de rawestiyan,û tekez kirin li ser giringiya berdewamiya van danûsitendinan, û bi dawîkirina wê bi encamên serkeftî ji bo yekrêzî û yekhelwesta Kurdî û çareseriya hemû xalan li gorî berjewendiyên gelê Kurd li Kurdistana Sûrî.

Û li ser rewşa aborî û debara jiyana welatiyan jî hat sekinandin”.

Herwiha Xelîfî di dawiya axaftina xwe de, anî ziman û got:

“Her du aliyan Tekez kirin li ser giringiya van dîtinên hevbeş ji bo nêzîkirina di raman nerînan de li seranserî partî û rêxistinên Kurdî û bi taybet yên di hindirê ENKSê de”.

Di heman demê de, tevgera Kurdî gelek çalakiyên ber bi çav dike ji semîneran û hevdîtinên gengeşkirin ê di nava hemû pêkhateyên herêmê.

Ragihandina ENKSê

Raport:Elî Fetah