HERÊMÊN KURDISTANA SÛRIYÊ TÊN TOPBARAN KIRIN JI ALIYÊ TIRKIYA Û CIVAKA NAVDEWLETÎ BÊDENG DIMÎNE.

Di şeveq û sibeha roja Duşemê 8.8.2022an de,Herêmên Kurdistana Sûrî hatin topbaran kirin ji aliyê Tirkiya ve.

Li gorî zaniyariyan Îro sibehê hêzên Tirkiyê gundên Qamişlo, Amûdê, Zirkan û Dirbêsiyê bombebaran kirin.

Li gorî welatiyên gundên Xanikê û Cirnikê yên bi ser Amûdê ve, ji R.ENKSê re gotin, topên ku li her du gundan ketine ti ziyan nebûn.

Herwiha du top li zeviyên çandiniyê li gundê Til Zîwan a ser bi Qamişlo ve ketin, bê ku ti ziyanek çêbibe.

Herwiha welatiyekî ji Ebû Rasên ji R.ENKSê re got:” du top li Bircê Siryatêl yê Ebû Rasên ketin,û wî ji nêvî de, anîn xwarê”.

Hevdem ligel bombebaran kirina gundê Cetelê yê bi ser Dirbêsiyê ve û bajarokê Zirkan û ketina topên hawanê li gundewarên Amûdê û Qamişlo û gelek cihê din jî yên bi ser bajarên herêman Kurdistana Sûrî ve.

Wek tê zanîn hêzên Tirk sînorê bajarên Dirbêsiyê, Amûdê, Qamişlo, Zirgan…” bombebaran kir, armanca wê tirsandina gel û tevliheviyê di nava gel de çêke, da ku wan neçar bike ku dev ji warên xwe berdin. Armanca yekem û dawî ya Tirkiyeyê ew e ku Kurdistana Sûriyê bi dawî bike.

Plana Tirkiyê ew e ku kurdan derbixe, û penaberên Sûriyê yên navxweyî yên li Tirkiyê li van deveran bi cih bike, bi armanca guhertineke demografî ya berfireh ku hebûna kurdan bi temamî bi dawî bike.

Lê mixabin hemû herêmên Kurdistana Sûrî tên bombebaran kirin ji aliyê Tirkiya û civaka navdewletî bêdeng dimîne.

Ragihandina ENKSê

Raport:Elî Fetah