GUNDEWARÊ DIRBÊSIYÊ: XWEDIYÊ XANIYEKÎ JI HERIYÊ BANGEWEZÎ DIKE KU KESEK TÛTIYA NEXE BIN HERIYÊ WÊ BI HERIFE.

Sal bi sal sazkirina xaniyên ji axê, li herêma Kurdistana Sûrîyeyê , zû dest pê dike, ev tê wateya ku di her du werzên zivistanên derbasbûyî de, rêjeya barandina baranê pir bû.

Li gorî zanyarîyên û şopandina nûçegihanê me di derbarê vê yekê de, li gundewarê Dirbêsiyê ji ber pirbûna barandina baranê bi dehên xaniyên ji axê hatibûn herifandin.

Di derbarê vê yekê de, welatiyekî ji gundewarê Dirbêsiyê bi navê Ahmed Ibrahîm, ji peyamnêrê me re axivî û anî ziman:”Wekî li ber çava ye, hûn dibînin îsal me zû dest bi sazkirina xaniyê xwe kir, ji ber ku me digot kengî havîn were e ji bo em xaniyê xwe saz bikin, ji ber ku em îsal pêde di tirsê de bûn, me di got wê xanî bi ser serê me de bê herifandin”.

Her wiha Ahmed Ibrahîm anî ziman û got:”Min xaniyê xwe di sala 2010an de, ser wî girtibû, lê me şaştîk mezin kiribû me tûtiya xistibû bin pûş û heriyê, ji ber vê yekê tûtiya me hemû sal bi sal dihat herifandin.

Ji ber vê yekê jî, ez bangewezî û şîretek taybet dikim ji bo hemû xwediyên xaniyên ji axê dema ku ew ê xaniyê xwe ser wî bi tûtiya bigre, divê nexe bin pûş û heriyê, ji ber ku wê zingar bigre û wê biherife û va tûtiya xaniyê min li ber çava ye, loma min xaniyê xwe ser wî vekiriye.

Û ji ber pir bûna rêjeya barandina baranê di werzê zivistana derbasbûyî de xanî  dikire bi ser serê me de bi hata xwar.

Hêjaye gotinê ku hîn li herêmên Kurdistana Sûriye, avahiya xaniyan bi heriyê û kerpîçan tên avakirin û rengê hevkariya xelkên wê bi hev re tê peyda kirin.

Ragihandina ENKSê

Raport:Elî Fetah