GUNDEWARÊ DIRBÊSIYÊ: KARKEREKÎ DI BAZARA PEZ DE DIBÊJE JI BO KORONA KARÊ ME HATIYE SEKINANDIN Û TI ALÎ ALÎKARIYA ME NAKIN
Li gorî agahiyên taybet, kirîza nexweşiya vayrosa korona di vê demê de, li herêmên Kurdistana Sûriya hatiye belavkirin, û di derbarê parastina xelkên herêma Kurdistana Sûriya ji vayrosa korona rêveberiya xweser ya bi ser PYDê ve, biryara qedexekirina çûn û hatinê li gorî demjimêran derxistin û hin bazarên taybet hatin girtin wek bazarên pez.
Lê tiştê herî balkêş e û nerazîbûna xelkên herêmê bi taybet yên gundewarê Dirbêsiyê ku pazara wan ya pez li Sêgir e ku bi ser bajarê Dirbêsiyê ve ye, hatiye qirtin û qedexekirin .
Di derbarê vê yekê de, karkerekî di bazara pez de, ya Sêgir ya dikeve başûrî bajarê Dirbêsiyê, bi navê Hemîd Hisên, ji malpera me ya ENKSê re ragihand û anî ziman:”Bi rastî em bêjin nebêjin, herêma me, di vê demê de, ketiye hev.
Ji ber belavbûna vayrosa korona û rastiya wê ta kîjan radeyê ye em nizanin, û em bi biryarên ji bo parastina xelkên herêmê û cîhanê tev de ji vayrosa korona”.
Her wiha Hemîd anî ziman û got:”Ez wekî karkerekî di bazara pez de dixebitim ji bo ez zarokên xwe xwedî bikim û debara zarokên min li ser vî karê ye, lê ji ber nexweşiya korona biryar hat girtin, û sekinandin û ti alî û dezgehên xêrxwaziyê jî alîkariya me nakin di vê dema sekinandina karê min û destê me li ser heve., XWEDÊ alîkar be ji xelkê re”.
Her wiha Hisên di dawiya axaftina xwe de anî ziman û got:”Heke ev rewş dûm bike wê rewşa me pir bi ber zahmetiyê re here, Em bi hêvî ne ku aliyên berpirsiyar çarakê ji me re bibînin”,
Hêjaye gotinê, ku rewşa jiyanê li cem xelkên herêma Kurdistana Sûriyeyê pir bi zahmetî derbas dibe ji ber nexweşiya korona û ti aliyên dezgehên Xêrxwaziyê alîkariya wan ranabin.
Ragihandina ENKSê
Raport:Elî Fetah