EŞÎRÊN KÎKAN TA VÊ SERDEMÊ BI RESENÎ PIRSGIRÊKÊN XWE ÇARESER DIKIN..

Wek tê zanîn, Hoza kîkan xwedî dîrokek dirêj e,û kar û xebata wê jî di hemû serdeman de,balkêş bû bi taybet li Kurdistana Sûriya de .

Li gorî zaniyariyên taybet ,di êvara roja pêncşemê 19.3.2020an de,bûyerek tirafîkê li bajarê Dirbêsiyê,qewimî û ew bûyer jî tirimbêlek li mîtorsiklekî xist  ,û di encama wê de,kesek ji Eşîra Dîlberî ya bi ser Qebîla kîkan ve, bi navê Azad Zahredîn jiyana xwe ji dest da.

Herwiha xwediyê Tirimbêlê, jî bi navê Kovan Xelo ji eşîra Simêla ya resen ji qebîla Kîkan e.

Di derbarê vê mijarê de,mamoste Kadar Ebdulezîz Dawid ji malpera me ya ENKSê re ragihandina û anî ziman:

“Bi rastî ta vê qonaxê eşîrên me yî, Kîkan hemû bûyerên xwe yê civakî bi awayekî resen û rêzdarî çareser dike”.

Herwiha Dawid axaftina xwe berdewam kir û anî ziman:

“Di êvara roja pêncşemê 19.3.2020an de,yek ji eşîra me ji malbata Xelo di bûyerek tirafîkê de zilamek ji eşîra Dîlberî kuşt û me bi lez û bez rewş çareser kir”.

Herwiha Dawid anî ziman û got:

“Di roja Şemiyê 21.3.2020an de,malbata rahmetî pêşwaziya eşîra me kir ya Simêla li bin konê şîna rahmetî bi beşdarbûna rûsipiyên herêmê û li bin konê eza yek ji malbata rahmetî bi navê Fexrî Salih Mîkaîl axivî di derbarê bûyerê de ,

Bi rasatî axaftina kak Fexrî resena mirovahiyê û cihê rêzdariyê bû ,

Ji ber di axaftina wî de,ku rahmetî çawa lawê me ye lawê we yî jî û konê eza konê we ye , Û ti merc û şert li cem me tune ye, di derbarê vê bûyerê de”.

Herwiha Dawid anî ziman û got:

“Kak Fexrî di gotina xwe de diyarkir em ti xwîn û qelenî jî napejirînin ,  Ji ber ev ne ji rengê resena me ye , Ji ber ev bûyerek qeza tirafîkê ye , em û hûn wek hevin XWEDÊ çi kiriye ew e” .

Herwiha Dawid di dawiya axaftina xwe de,Spasiya malpera me ya ENKSê kir.

Hêjaye gotinê ku di vê qonaxa hestiyar de,ya ku em têde dijîn ku miletê me bi awayekî hiştimendî û aştiyane pirsgirêkên xwe çareser dikin.

Ragihandina ENKSê
Raport:Elî Fetah