ENCÛMENA PAKREWAN CIWAN ELQUTNA CIVÎNA XWE YA ASAYÎ LIDARXIST…
Di roja çarşemê 30.6.2021ê de, encûmena xwecihî ya pakrewan Ciwan Elqutna ya bajarê Dirbêsiyê û gundewarê wê ya bi ser ENKSê ve, civîna xwe ya asayî lidarxist.
Di destpêkê de xulekek bêdeng li ser giyanê pakrewanên Kurd û Kurdistanê û di pêşî de li ser giyanê Barzaniyê nemir rawestiyan .
Herwiha cîgerê Serokatiya xwecihiyê mamoste Idrîs Şêx Xelef rawestiya li ser rewşa rêxistinî.
di derbarê rewşa rêxistinî de, rapora hatî ji ofîsa karûbarê encûmenên xwecihî hat xwendin û hemû endam hatin agahdarkirin bi biryarên nû yên hatibûn derandin ji aliyê Emendariya giştî.
Û civat bi awayekî berfire li ser rewşa rêxistinî rawestiya, di derbarê pêşketina xwecihiyê de û bi pêkanîna wê di nava cemawer de, û tekez kir li ser Pabendîbûn û beşdarbûna civatan, bi taybet beşdarbûna bûyeran.
Herwiha xwecihî rawestiya li ser hemû bûyerên herî dawî yên siyasî û bi taybet li ser rewşa kurdî -kurdî di derbarê têgihiştinên herî dawî ji danûstendinên Kurdî di navbera ENKSê û PYNKê de.
Û civat rawestiya li ser bûyera xemgîn ya ku ciwanê kurd bi navê Emîn Îsa Emîn ji gundê Bîrikê yê bi ser bajarê Dirbêsiyê ve, di zindanên PYDê de,di bin şkenceyê de jiyana xwe ji dest da li gorî agahiyan û wênên malbata wî belavkirbûn.
Di derbarê vê bûyerê de xwecihiyê bi tindî şermezar kiri.
Herwiha civat rawestiya li ser rewşa aborî, bi taybet piştî daketina nirxê lîreya Sûrî li hember nirxê dolarê Emrîkî û estengiyên jiyanê bi taybet di vê sala hişk û zuha de.
Herwiha hemû mijarên hatin şirovekirin, ji aliyê beşdarbûyan ve, hatin gengeşekirin bi awayekî zelalmendî.
Ragihandina ENKSê
Raport:Elî Fetah