Home / Breaking news / ÇILROJIYA PAKREWAN EMÎN ÎSA EMÎN JI ALIYÊ PDK-S HAT VEJANDIN..

ÇILROJIYA PAKREWAN EMÎN ÎSA EMÎN JI ALIYÊ PDK-S HAT VEJANDIN..

 

Di roja îniyê 6.8.2021ê de, çilrojiya pakrewan Emîn Îsa Emîn, endamê şaxê ya PDKSê li gundê Nofeliyê ya bi ser bajarê Dirbêsiyê ve ji aliyê rêxistina Hesekê ya PDK-Sê hat vejandin.

Herwiha bi beşdarbûna kesayetên rewşenbîr yên serbixwe û nûnerên rêxistinan û partiyên siyasî û şandên encumenên xwecihî yên bi ser ENKSê ve, herwiha bi beşdarbûna hejmarek ji cemawerên ENKSê yên wê deverê.

Di destpêk de,  bixêr hatin hemû mêvanên beşdar hat kirin ji aliyê PDK-Sê û piştre kêlîkek bêdeng rawestiyan li ser giyanên pakrewanên Kurd û Kurdistanê û Barzaniyê Nemir û yê pakrewan Emîn Îsa Emîn digel Sirûda Ey Reqîb.

Axaftina vekirinê ji aliyê birêz Nafeh Abdulah, endamê Komîteya Navendî ya PDK-Sê û berpirsiyarê Rêxistina Hisiça, hate kirin.

Abdulah behsa hovîtiya tawana ku di zindanên rêveberiya bi ser PYDê de hatiye kirin, ku bû sedema şehîdbûna xortê dilsoz.

Herwiha M. Silêman Oso, endamê Desteya Serokatiyê ya ENKSê, axaftina ENKSê kir, û di wê axaftinê de li ser tawana şehîdbûna Emîn axivî, û Oso pîsiya tawanê şermezar kir.

Oso di axaftina xwe ya li ser bandora sûcên bi vî rengî li ser diyaloga Kurdî-Kurdî de, nirxand û helwesta malbata şehîd bi helwesteke xurt bang kir ku gora şehîd were vekirin, û laşê wî ji hêla pispor û rêxistinên pispor ve were perçekirin, diyar kir.
Oso di axaftina xwe de, helwestên navneteweyî yên şermezarkirina kuştina şehîd Emîn jî nirxand.

Herwiha axaftina Nivîsgeha Siyasî ya PDK-Sê ji aliyê M. Mihemed Isma’îl berpirsê rêveberiya Nivîsgeha Siyasî ya PDK-Sê ve, hate kirin.

Dûre helbestvan Seyfeddîn Qadrî helbestek ku şehadetê bi rûmet dike pêşkêş kir.

Herwiha Axaftina Yekîtiya Nivîskarên Kurd a Sûriyê ji aliyê M.Yûnis Hemê ve hate xwendin.

Paşê helbestvan Umran Muntiş helbestek li ser Aleya kurdî û çawaniya xemilandina wê bi rengê xwîna şehîdan xwend.

Herwiha axaftina komîteya Herêmî li Hesekê ya PDK-Sê ji aliyê M. Ibrahîm Cebir ve, hate kirin, ku qala jêhatîbûn û wêrekiya şehîd kir.

 

Merasîma bîranînê bi axaftina malbata şehîd, ku birêz Beşar Emîn, apê xortê şehîd Emîn Îsa Emîn pêşkêş kir, bi dawî hat, û tê de spasiya amadebûn û serkirdayetiya bi rûmet a Encûmena Niştimanî ya Kurd, Partiya Demokrata Kurdistanê, hemû mêvanên beşdar û Hikûmeta Herêma Kurdistana Iraqê, û bi taybetî Dr.Hemîd Derbendî kir.

Paşê hemû beşdaran du gurzên gûlan danîn ser gora şehîd û wêneya El-Fatîhe xwendin.

Wek tê zanîn ku şehîd Emîn Îsa Emîn, endamê komîta şaxê ya PDK-Sê û li gundê Nofeliyê yê ser bi navçeya Dirbêsiyê ve, di sala 1986 de ji dayik bûye.

Û Emîn di zindanên Rêveberiya PYDê de, di bin îşkenceyê de şehîd bû .

Ragihandina ENKSê
Raport:Elî Fetah

About ferhad Şêxo

Check Also

Konê şîna pakrewanê Pêşmerge Îslamî Osman li Qamişlo hate danîn

Îro roja pêncşemê 16ê Rêzbera 2021″an, li bajarê Qamişlo konê şîna pakrewanê pêşmerge ” Îsmaîl …

Leave a Reply

Your email address will not be published. Required fields are marked *