Bîranîna 68 saliya oxirkirin Mîr Celadet Bedirxan ji aliyê encûmena xwecihiya ya Sinceq hat vejandin

Îro di roja Duşemê 15 Tîrmehê de, demjimêr 6ê êvarî encûmena xwecihiya “Sinceqê” ya encûmena niştîmaniya Kurdî li Sûriya, li gundê “Sîha ” semînarek li derxist li ser jiyana Mîr Celadet Bedirxan bi helkeftina bîranîna derbasbûna “68” Sal li ser koçkirina wî, Bi amadebûna hejmarek ji xelkê û herwiha bi hazirbûna endamên encûmanê û nûnerê partiyên siyasî. Destpêkê xuleke bê deng li ser giyanê wî û hemû pakrewanên kurd û kurdistanê û serwer Berzaniyê nemir hat rawestandin digel sirûda netewî “Ey Reqîb”.

Piştra gotina encûmena niştîmaniya kurdî li sûriya ji aliyê serokê ofîsa Karûbarê encûmenên xwecihî M.”Mihsin Tahir”,ve hat xwendin û dûvre berêz “Konê Reş” li ser jiyana Mîr Celadet Bedirxan axivî û rola wî di warê pêşketina rêzmanê Kurdî .

Û herwiha di vê derbarê de serokê xwecihî ya rojhilatî Qamişlo berêz “Şemdîn Nebî” di vê bîranînê de ji malpera me re wiha got : Mîr Celadet Bedirxan wek endezyarê rêzmanê kurmancî, Ronakbîr û rewşenbîrê bû û herwiha malbata Bedirxaniyan ku ew Mîrên cizîra Botanê bûn û bi nav û deng bûn di nav kurdan de di pêvajoya tekoşîna azadîxwazî û serxwebûna kurdistanê de xwedan xebateke berz û giranbuha bû, û herwiha “Nebî ” gotina xwe berdewam kir ku Mîr Celadet Bedirxan xwedî roleke giring bû di nav dîroka kurdan de ku gelek zargotinên kurdî mîna ( çîrok, serpêhatî, stran, ) bi destê wî hatina nivîsandin û herwiha ku Celadet yek ji damezirandinên Elfebeya rêzmanê kurmancî bû, û yekemîn kovar jî bi navê “HAWAR ” bi destê wî hat weşandin ku roleke sereke lîstiye di hişyarkirina civata kurdî de

Raport :Hêvî Delî

Ragihandina ENKS ê…. Qamişlo