المجلس الوطني الكوردي في سوريا

Yadgeha Niştîmanî ya Barzaniyê nemir hate vekirin

0 56

Roja pêncşemê 11ê Gulana 2023an, di merasîmeke mezin de bi amadebûna Serok Mesûd Barzanî, Nêçîrvan Barzanî serokê Herêma kurdistanê û serok wezîr Mesrûr Barzanî û bi beşdariya gelek dîplomat û nûnerên welatên biyanî yên li Iraqê û Herêma Kurdistanê, herwiha hejmareke zêde ji kesayetên navxwe û derve, Yadgeha Niştimanî ya Barzanî li gundê Barzan hat vekirin.

 

Û herwiha di vê merasîma vekirina mûzexaneya niştîmanî ya Barzaniyê nemir de serok Mesûd Barzanî gotarek pêşkêşkir û têde behsa vekirina Muzexaneya Niştîmaniya Barzanî û giringiya wê muzexaneyê ya ji bo parastina dîroka gelê kurdistanê ya ji bo nivşên paşerojê kir..

 

Û herwiha Serok Barzanî ragihand ku, Barzan gundeke biçûke di warê erdnigarî de lê di warê şoreşên bo azadî gelek zengîne û tişta ku, li Barzanî serî hilda tevgereke azadîxwazî û însanî bû.

Serok Barzanî behsa vê yekê kir ku, tevger û şoreşên Barzanî bo azadî, însan dostî û demokrasî bûne û pêşengên wan şoreşan jî kesên gelek zana, hişiyar û oldar bûne lewre gelek caran êrîşî ser wan hatiye kirin û Şêx Mihemed Barzanî ku, oldarekî zahêd û zana bûye ji aliyê Osmaniyan ve gelek caran rastî kêşeyan hatiye û şerê wî kirine.

 

Û hêjaya were gotin ku Di mûzexaneya Yadgeha Niştimaniya Barzanî de gelek kelûpelên taybet ên rêberê gelê kurd Mela Mistefa Barzanî hatine danîn…

 

 

 

Ragihandina ENKSê

Raport: Hêvî Delî

Leave A Reply

Your email address will not be published.