Home / Uncategorized / ŞANDEKE JI XWECIHIYA TAXA ROJAVA YA QAMIŞLO SERDANA OFÎSA YEKÎTIYA JINÊN KURDISTANA SÛRIYÊ KIR.

ŞANDEKE JI XWECIHIYA TAXA ROJAVA YA QAMIŞLO SERDANA OFÎSA YEKÎTIYA JINÊN KURDISTANA SÛRIYÊ KIR.

Di çarçoveya rêze serdanên Encûmena Xwecihî ya Taxa Rojava ya Qamişlo de ya bi ser ENKSê ve, bo ofîsên partiyan û rêxistinên girêdayî Encûmena Niştimanî ya Kurd li Sûriyê.

Di roja çarşemê 17.8.2022an de, şandeke xwecihiyê serdana ofîsa Yekîtiya Jinên Kurdistana Sûriyê kir û ji aliyê xanim Ariya Cumha û endamên rêveberiya yekîtiyê ve hatin pêşwazîkirin.

 

Herwiha gotûbêja di navbera her du aliyan de, li ser mîkanîzma pêşxistina encûmenê, û dîtina çareyan ji wan kêşeyên ku rê li ber pêşketina encumenê digirin û sînordarkirina wan bû.

Herwiha xanim Ariya Cumha tekezî li ser pêwîstî û giringiya jinan di Encûmena Niştimanî ya Kurdî de kir.

Herwiha ji aliyê xwe ve, endamê Encûmena Xwecihî birêz Celal Umer ji malpera me re axivî û got:

“Bê guman eger hûn dixwazin civakê pêş bixin, pêwîstî bi çend faktoran heye, ku ya herî girîng jî tevlîbûna jinan di hemû qadên jiyanê de, ligel mêran û beşdarbûna jinan di jiyana siyasî, tevgerên civaka sivîl de ye. û biryargirtin ya herî girîng e”.

Herwiha Umer got:”Em di Encûmena Niştimanî ya Kurdî de, baweriya me bi wekheviya jin û mêr û rêzgirtina mafên mirovan heye, em piştevaniya tevgerên femînîst û beşdarbûna jinan di jiyana siyasî û tevgerên civaka sivîl de bûn û hîn jî, jinên Kurd di hemû qadên têkoşînê de hêjayiya xwe îsbat kirine û gelek postên serokatiyê girtiye.

Û em li ber deriyê konfransa Encûmena Niştimanî ya Kurdî ne û hêvî heye ku jin bi awayekî berfirehtir beşdarî bi destxistina mafên xwe yên tam û dadmend bibin.”

Ragihandina ENKSê

Raport:Elî Fetah û Hêvî Delî

About ferhad Şêxo

Check Also

Kampa Domîz Semînarek siyasî û Rêxistinî bi rêva çû..

Roja înê 23ê Êlûna 2022an, Rêxistina jinan a bi ser partiya Demoqrata kurdistan-Sûriya ve ,li …

Leave a Reply

Your email address will not be published.