Home / Uncategorized / LI BAJARÊ HESEKÊ KESEK MIR Û 13 HALETÊN KOLÊRAYÊ.

LI BAJARÊ HESEKÊ KESEK MIR Û 13 HALETÊN KOLÊRAYÊ.

Di roja Çarşemê 14.9.2022an de,Wezareta Tendirustiyê ya rêjîma Sûriyê yekem mirina ji ber nexweşiya kolêrayê û birîndarbûna 13 kesên din li bajarê Hesekê ragihand.

Her wiha Wezaretê di daxuyaniya xwe de got:”Hejmara miriyên ji ber kolêrayê gihîştiye 7 kesan, li Helebê 4, li Dêrezorê 2 û li Hesekê 1″.

Wê her wiha got:”Hejmara giştî ya tûşbûyên kolêrayê li welat gihîşt 53, ku li Helebê 22, li Hesekê 13, li Dêrezorê 10, li Laziqiyê 6 û li Şamê 2 hatine belavkirin”.

Li gorî çavkaniyên tenduristiyê belavbûna vê nexweşiyê ji ber qirêjbûna ava vexwarinê ye, ji ber wê yekê ku rayedarên herêmê di heyama sê mehên borî de belavkirina klorê li ser stasyonên avê rawestandine.

Wê her weha diyar kir ku gelek nîşanên nexweşiyê di nav gel de derketin, di nav de vereşîn, îshal û serêş.

Her wiha Niştecîh û Hevrêzê Karûbarên Mirovî yê Neteweyên Yekbûyî li Sûrî birêz Umran Rêza, di daxuyaniyekê de roja Duşemê got”:

Li ser bingeha nirxandinek bilez a ku ji hêla rayedarên tenduristî û hevkaran ve hatî kirin, tê bawer kirin ku çavkaniya enfeksiyonê bi vexwarina ava ne ewle ji çemê Firatê û her weha karanîna ava qirêj ji bo avdana zeviyan ve”.

Her wiha li gorî rapora Rêxistina Alîkariya Zarokan a Neteweyên Yekbûyî (UNICEF) di meha Nîsanê de, şer bandor li nêzî du ji sê parên santralên paqijkirina avê, nîvê îstasyonên pompekirinê û sêyeka tankên avê kiriye.

Her wiha Nêzîkî nîvê serjimarê bi çavkaniyên alternatîf ve girêdayî ne ku pir caran ne ewle ne ku hewcedariyên xwe yên avê bicîh bînin an temam bikin, di heman demê de herî kêm ji sedî heftê avên çolê nayên paqij kirin, li gorî UNICEF.

 

Û Kolêra bi gelemperî li deverên niştecîh ên ku ji kêmbûna ava vexwarinê an nebûna pergalên kanalîzasyonê dikişînin xuya dike, û pir caran ji ber xwarina xwarin an ava qirêj dibe sedema nexweşiya Kolêra.

 

Wek tê zanîn di sala 2008 û 2009an de, Sûriyê bûyerên dawî yên nexweşiyê li parêzgehên Dêrezor û Reqa tomar kirin, li gorî Rêxistina Tenduristiyê ya Cîhanî.

 

 

Ragihandina ENKSê

Raport:Elî Fetah

About ferhad Şêxo

Check Also

Kampa Domîz Semînarek siyasî û Rêxistinî bi rêva çû..

Roja înê 23ê Êlûna 2022an, Rêxistina jinan a bi ser partiya Demoqrata kurdistan-Sûriya ve ,li …

Leave a Reply

Your email address will not be published.