المجلس الوطني الكوردي في سوريا

HEVPEYMANIYA NAVDEWLETÎ BERDEWAMIYA PIŞTEVANIYA HÊZÊN PÊŞMERGE PIŞTRAST DIKE.  

0 49

Di civîna berfireh a di navbera berpirsên payebilind ên Wezareta Pêşmerge, hêzên hevpeyman û Konsulxaneya Emerîkayê ya li Hewlêrê de tekezî li ser berdewamiya proseya çaksaziyê li Wezareta Pêşmerge hat kirin.

Di daxuyaniya Wezareta Pêşmerge de duh, Sêşemê hat ragihandin ku li Ofîsa Wezareta Pêşmerge bi amadebûna Serleşker Îsa Ewêz, Serfermandarê Wezareta Pêşmerge, Serleşker, civîneke berfireh hat lidarxistin.

Bextiyar Mihemed Sidîq Sekreterê Giştî yê Wezaretê, Cîgirên Serfermandarê Giştî, şêwirmendên Wezaretê û Serfermandar.” Karmend Kolonêl Jîm Hanter Serokê Şêwirmendên Hevpeymanan li Herêma Kurdistanê û Kolonêl Mîşêl Gacîo ,Ofîsa Hevkariya Asayişê li Konsulxaneya Emerîka li Hewlêrê û şandeke şêwirmendên hevpeymanan li Herêma Kurdistanê.

Di civînê de tekezî li ser berdewamiya proseya çaksaziyê, birêxistinkirina yekeyên curbicur û cîbicîkirina hemû xalên proje yasaya çaksaziyê di Wezareta Pêşmerge de hat kirin, ku pesendkirina Serokatiya Herêma Kurdistanê heye.

Li gorî daxuyaniyê, tekezî li ser çareserkirina pirsgirêk û kêmasiyan, piştgirîkirina karîgerî û komkirina hemû şiyanên nav yekîneyan ji bo bilezkirina proses û pêngavên ji nû ve birêxistinkirina hemû hêzên di bin çavdêriya Wezareta Pêşmerge de hatiye kirin.

Di hevdîtinê de asta amadekariyên qonaxa bê ya Hêzên Pêşmerge jî hat gotûbêjkirin û tekezî li ser pabendbûna hevpeymaniya navdewletî ya ji bo piştevanîkirin û hemahengiya ligel Hêzên Pêşmerge hat kirin.

Ragihandina ENKSê
Raport:Elî Fetah

Leave A Reply

Your email address will not be published.