المجلس الوطني الكوردي في سوريا

BALYOZXANEYA AMERÎKA LI SÛRIYÊ DERBARÊ BOMBEBARANKIRINA RÊJÎMÊ Û RÛSYAYÊ LI SER BAKURÊ ROJAVAYÊ WELAT ŞERMEZARKIR.

0 117

Şermezarkirina Balyozxaneya Amerîka li Sûriyê derbarê bombebarankirina Rejîm û Rûsyayê li ser bakurê rojavayê welat

Di 1.11.2023,an de, Balyozxaneya Amerîka li Sûriyê êrîşên vê dawiyê yên Rûsiya û rêjîma Esed li ser dibistan, navendên pizîşkî û kampeke awareyan li navçeyên bakurê rojavayê Sûriyê şermezar kir.
Herwiha Piştrast kir ku êrîşan bûne sedema koçberkirina sed û bîst hezar kesî.

Balyozxaneya Amerîka di daxuyaniyekê de got: “Em êrîşên vê dawiyê yên Rûsya û rêjîma Esed li bakurê rojavayê Sûriyê li ser dibistan, navendên pizîşkî û kampeke awareyên navxweyî şermezar dikin.”

Balyozxaneyê diyar kir ku êrîşan “bûne sedema koçberkirina zêdetirî 120,000 kesî û kuştina gelek sivîlan.”

balyozxaneyê piştrast kir.
“Ne rejîma Esed û ne jî Rûsya hewl nedan ku ravekirineke maqûl ji bo van hovîtîyan pêşkêş bikin,”

Di amarên dawî yên tîma “Hordînatorên Bersivdana Sûriyê” de, ji destpêka meha Çiriya Pêşîn heta 26ê heman mehê, “hêzên rêjîma Sûriyê û Rûsyayê bêhtir ji 538 êrîş li ser zêdetir ji 72 gund û bajarokan pêk anîn, ku 46 ji wan Ji aliyê balafirên şer ve, bi qasî 109 êrîşên hewayî.”

Êrîşan bûn sedema “bicihkirina bêtirî 100,000 sivîlan ji deverên cuda ber bi deverên ewledar ên dûrî deverên armanckirinê”.

“Zêdetirî 60 sivîl hatin kuştin, piraniya wan jin û zarok bûn, ji ber ku zarok sêyeka qurbaniyan pêk tînin, û birîndarên sivîl ji zêdetirî 285 kesan derbas bûn, di nav de rewşên krîtîk.”

Tîmê piştrast kir, “Hat belgekirin ku bêtirî 88 dezgehên jiyanî yên ku xizmetguzariyan pêşkêşî sivîlan dikin hatin armanckirin, di nav de dibistan, bazarên populer, kamp, ​​nexweşxane, û xalên bijîşkî, ji bilî cihên îbadetê.”

 

Ragihandina ENKSê
Raport:Elî Fetah

Leave A Reply

Your email address will not be published.