XWECIHIYA KOBANÊ CIVÎNA XWE YA MEHANE LI DAR XIST
Civîna Xwecihiya Kobanê, ya ser bi Encûmena Nîştimanî a Kurdî li Sûriyê (ENKS), roja Çarşemê 28/10/2026’an civîna xwe ya asayî ya mehane li dar xist.
Civîn bi deqeyeke rêzgirtin ji bo giyanê şehîdên Kurd û Kurdistanê û di serî de Barzaniyê Nemir dest pê kir.
Di civînê de geşedanên herî dawî yên li ser asta siyasî û rêxistinî hatin gotûbêjkirin.
Di vê çarçoveyê de, rewşa giştî a navçeyê û bi taybetî rewşa bajarê Kobanê hat nirxandin, her wiha rûdanên dawî yên li herêma Girê Spî hatin şopandin.
Li ser asta rêxistinî, amadekariyên dawî yên ji bo lidarxistina kongreya bê a Encûmena Nîştimanî a Kurdî hatin nirxandin.
Hat ragihandin ku hemû amadekarî bi dawî bûne, bi taybetî birêveçûna hilbijartinên endamên serbixwe.
Di dawiya civînê de, amadebûyan teyîd kir ku parastina aştiya navxweyî pêdiviyeke pir mezin e.
Her wiha bang kirin ku gel nebe peyrewê fitneyên ku dixwazin şerê navxweyî gur bikin, ji ber ku di şerekî weha de ziyanderê herî mezin gelê Sûriyê bi hemû pêkhateyên xwe ye.
Ragihandina ENKSê
Rapor:Elî Fetah
