Di çarçoveya çalakiyên dîplomatîk û polîtîk ên Nivîsgeha Têkiliyan a Encûmena Niştimanî ya Kurdî li Sûriyê (ENKS) li Şamê de, roja 26/10/2026an li baregeha nivîsgehê ya li Şamê, hevdîtinek ligel Balyoza Swêdê ya li Sûriyê Xanim Cîsîka Sevardistirom hat lidarxistin.
Di rûniştinê de, kêşeyên li pêşiya proseya polîtîk a li welat ji aliyên aborî, ewlehî û jîyanî ve hatin nirxandin, nexasim di bin siya rûdanên herêmê û bandorên wan li ser rewşa Sûriyê de. Her wiha behsa rewşa herêmên Kurdî û birêveçûna proseya entegrasyonê (tevlîbûnê) û giringiya cîbicîkirina wê hat kirin.
Hevalên di nivîsgehê de ji bo Balyozê giringiya daxuyaniyan û pêngavên erênî yên hikûmetê yên derbarê Kurdan de şîrove kirin, û tekez kirin ku divê ev pêngav wergerin ser kiryaran.
Di heman demê de, wan bal kişand ser giringiya guhdana bi rewşa navxweyî, baştirkirina jîyana xelkê û sivikkirina azarên wan.
Di dawiya civînê de, her du aliyan tekezî li ser giringiya berdewamiya peywendiyan û pevguhartina nêrînan li ser babetên hevpar kirin.
Ragihandina ENKSê
Rapor:Elî Fetah
