Amûdê – 7ê Eylûla 2026an
Tevgera Çaksaziya Kurdî – Sûriya, bi hevkariya Navenda Kolturvan a Çand û Geşepêdanê, îro Duşemê li bajarê Amûdê, paneleke çandî di bin navê:
«Rastiya Perwerdehiyê li Sûriyê di navbera erênî û neyinî de» li dar xist.
Di panelê de hejmarek ji siyasetmedar, rewşenbîr û nûnerên rêxistinên civaka sivîl, ligel amadebûneke berçav a ciwan û jinan, û nûnerên Tevgera Çaksaziya Kurdî li herêmê beşdar bûn.
Mamoste Îdrîs Hac Tahir babet pêşkêş kir û tê de nirxandineke berfireh li ser sîstema perwerdehiyê li Sûriyê kir.
Wî bal kişand ser rûberbûn û astengiyên herî diyar ên li pêşiya vê sektora girîng, her wiha analîzeke kûr li ser sedem û faktorên ku bûn sedema paşketina asta perwerdeyê di salên borî de kir.
Pêşkêşiyê her wiha behsa çareseriyên gengaz û rêyên guncaw kir ji bo danîna bingeheke xurt da ku perwerde geş bibe, bi awayekî ku li gora daxwazên pêşkeftina zanistî û avaker be û xizmeta paşerojeke geştir ji bo Sûriyê bike.
Panelê gotubêjeke dewlemend û danûstendineke berçav ji aliyê amadebûyan ve bi xwe re anî.
Bi destwerdan û nerînên cihêreng naveroka mijarê dewlemendtir bû û asoyên fireh ji bo diyalogê vekirin.
Beşdaran tekez kirin ku doza perwerdeyê pêşengiyeke neteweyî û civakî ye, ji ber rola wê ya sereke di avakirina hişmendî û mirovan de, û di pêkanîna geşepêdan û aramiya tê xwestin de.
Di dawiya hevdîtinê de, Tevgera Çaksaziya Kurdî – Sûriya spasî û rêzgirtina xwe pêşkêşî hemû beşdar û amadebûyan kir, û nirx da danûstendina wan a avaker û nêrînên wan ên bi qîmet.
Tevgerê her wiha tekezî li ser giringiya berdewamiya lidarxistina çalakiyên çandî û ramanî kir, yên ku beşdarî bilindkirina hişyariya civakî dikin, û xizmeta doza Kurdî û ya neteweyî dikin, û çanda diyalogê û berpirsiyariya hevbeş xurt dikin.
Ragihandina ENKSê
Rapor : Elî Fetah