Encûmena xwecihî ya bajarê Dirbêsiyê û gundewarê wê ya bi ser ENKSê ve,encûmena Pakrewan Ciwan Elqutna, di roja Pêncşemê 23.7.2026an de, civîna xwe ya asayî lidar xist.
Di destpêkê de,xwecihî kêlîkek bêdeng li ser giyanên pakrewanên Kurd û Kurdistanê û têkoşera Munewer Şemdîn û di pêşî de Barzaniyê Nemir rawestiyan.
Û piştre lîsta kar gengeşe kirin.
Di civînê de, behsa rewşa rêxistinî bû û amadebûyan rewşa rêxistinî bi taybet rapora ku ji ofîsa karûbarê Encûmenên xwecihî yên bi ser ENKSê ve, hate wergirtin, hate nîqaşkirin.
Di derbarê rewşa siyasî de, hemû bûyer û pêşhatên siyasî li ser qada Sûriyê bi giştî û rewşa kurdî bi taybetî hatin gotûbêjkirin.
Her wiha rewşa jiyanê, azar û şert û mercên dijwar ên aborî ku herêm tê de derbas dibe, hate gotûbêjkirin, bi giranî biha û nirxa nebaş bi taybetî sotemenî, elektrîk û hemû madeyên xwarinê.
Piştî civatê,bi boneya çilrojeya koçkirina têkoşera “Munewer Şemdîn” endama xwecihiya Dirbêsiyê û nûçegihana wê,şandek ji xwcihiya Dirbêsiyê û gundewarê wê ya pakrewan Ciwan Elqutina ya bi ser ENKSê ve,serdana gora têkoşera Munewer Şemdîn ,li goristana bajarê Dirbêsiyê li Kurdistana Sûrî kirin û baqeke gul danîn ser û wêneyê Elfatîha Xwendin
Ragihandina ENKSê
Raport:Elî Fetah
