Di roja Çarşemê, 22.07.2026an de, Stasyona Avê ya Elûk bi fermî hat vekirin piştî qutbûneke heft salî.
Ev pêngav wekî yek ji geşedanên herî girîng di dosyaya avê de li parêzgeha Hesekê tê hesibandin, ji ber ku stasyon çavkaniyeke sereke ye ji bo dabînkirina ava vexwarinê ji bo bi sed hezaran niştecihan.
Merasîma vekirinê bi amadebûna Wezîrê Sûriyê Mihemed El-Beşîr û parêzgarê Hesekê, Endezyar Nûredîn Ehmed, li gel hejmarek ji berpirs, teknîsyen û kedkarên sektora avê pêk hat, ku wan çavdêriya ji nû ve destpêkirina stasyonê û kişandina avê di tora giştî de kirin.
Bi destpêkirina karê xwe re, stasyona Elûkê dest bi pompekirina ava vexwarinê kir ji bo dabînkirina bajarê Hesekê û tax û navçeyên wê bi awayekî rêkûpêk.
Ev yek piştî çend salan ji qutbûna avê pêk hat ku bû sedema qeyraneke dubare û rasterast bandor li jiyana rojane ya şêniyan kir, û gelek ji wan neçar kir ku xwe bispêrin çavkaniyên alternatîf ji bo dabînkirina pêdiviyên xwe yên avê.
Rayedarên pêwendîdar piştrast kirin ku ji nû ve karxistina stasyonê gaveke stratejîk e ji bo bilindkirina ewlehiya avê li parêzgehê û peydakirina çavkaniyeke domdar û ewledar a ava vexwarinê, ku ev yek jî dê bialîkîne ji bo baştirkirina xizmetguzariyên bingehîn û sivikkirina barê welatiyan ku di salên rawestanê de kişandibûn.
Ragihandina ENKSê
Rapor: Elî Fetah