XWECIHIYA KOBANÊ CIVÎNA XWE YA ASAYÎ LI DAR XISTIN Û SEROK Û DU CÎGIRÊN WÎ HILBIJARTIN.
Encûmena xwecihî ya bajarê Kobanê ya bi ser ENKSê ve,li bajarê Kobanê civîna xwe ya asayî lidarxist.
Piştî deqeyeke rêzgirtinê ji bo şehîdên gelê Kurd û Kurdistanê û di pêşî de Barzaniyê nemir.Lîsta kar gengeşe kirin
Di rojeva civînê de ji aliyê siyasî ve guftûgo li ser pêşhatên dawî û pêşhatên di warên herêmî û xwecihî de û bi taybetî naveroka civîna ku şanda Serokatiya Encûmena Niştimanî ya Kurdî li gel Serokê Herêma Kurdistanê Nêçîrvan Barzanî li gel hev civiyan û bandorên erênî yên berçav ên vê civînê ku di xizmeta yekrêziya Kurdî de heye, hat kirin.
Her wiha amadebûyan li ser rewşa siyasî ya Sûriyê bi giştî nirxandin û pêşbîniyên qonaxa bê xwendin.
Rewşa rêxistinî,serokatiya nû ji bo encûmena xwecihî hate hilbijartin, ku her birêz.Weys Şêxê wek serokê encûmena xwecihî li Kobanê û Mihemed Ibrahî û Ebduletîf Henîf wek cîgirên wî hatin hilbijartin.
Ragihandina ENKSê
Rapor: Elî Fetah
