ŞANDEK JI FORUMA ELCEZÎRÊ YA JI BO AŞTIYA SIVÎL SERDANA BAREGEHA “ENKS” LI BAJARÊ QAMIŞLO KIR.
Şandeke Korbenda Elcezîrê bo Aştiya Sivîl serdana baregeha Encûmena Niştimanî ya Kurd li Sûriyê li bajarê Qamişlo kir, di çarçoveya pêşxistina diyalogê û hevahengiya hevbeş di navbera çalakiyên cuda yên sivîl û siyasî li herêmê.
Şand ji aliyê serokatiya Encûmena Niştimanî ya Kurdî ve hat pêşwazîkirin û di wê hevdîtinê de, behsa giringiya pêkanîna aştiya sivîl di vê qonaxa hestiyar de hat kirin, û tekezî li ser pêwîstiya bizavên hevbeş di navbera hemû pêkhateyan de ji bo parastina aramiyê û pêşxistina jiyana hevbeş hat kirin.
Di hevdîtinê de, her du alî tekezî li ser wê yekê kirin ku aştiya sivîl bingehê parastina pêkhateya civakî li herêma Cizîrê ye, û tekezî li ser giringiya xebata hevbeş ji bo belavkirina çanda diyalog û lêborînê kirin, û rêzgirtin ji cihêrengiya neteweyî, çandî û olî ku taybetmendiya herêmê ye.
Di civînê de, her wiha li ser rêyên berfirehkirina hevkariyên di navbera saziyên sivîl û siyasî de, û destpêkirina destpêşxeriyên hevbeş ên ku piştgirî bidin aramiya civakê û sivikkirina kêşeyên li pêşiya niştecihan li gorî şert û mercên heyî, hatin gotûbêj kirin.
Di dawiya serdanê de, her du aliyan pêzanînên xwe yên ji bo hevdu nîşan dan û tekez li ser berdewamiya peywendî û hemahengiyê ji bo xizmetkirina berjewendiyên hemû gelên herêmê kirin.
Ragihandina ENKSê
Rapor:Elî Fetah
