XWECIHIYA DIRBÊSIYÊ CIVÎNA XWE YA ASAYÎ LI DAR XIST .
Encûmena xwecihî ya bajarê Dirbêsiyê û gundewarê wê ya bi ser ENKSê ve,encûmena Pakrewan Ciwan Elqutna, di roja Pêncşemê 30.4.2026an de, civîna xwe ya asayî lidarxist.
Di destpêkê de,xwecihî kêlîkek bêdeng li ser giyanên pakrewanên Kurd û Kurdistanê, û di pêşî de Barzaniyê Nemir rawestiyan.Û piştre lîsta kar gengeşe kirin.
Her wiha serokê xwecihiyê birêz Ebdulhemîd Temo bi navê xwecihiyê bixêrhatina nûnerê Partiya demokrata Kurd a Hevgirt – Sûriya (Elpartî) birêz Selah Mîrzo kir,her wiha Birêz Selah Mîrzo jî bi navê partiya xwe kêfxweşiya xwe diyar kir li ser tevlêbûna wan di nav refê ENKSê de.
Di civînê de, behsa rewşa rêxistinî bû û amadebûyan rewşa rêxistinî bi taybet rapora ku ji ofîsa karûbarê Encûmenên xwecihî yên bi ser ENKSê ve, hate wergirtin, hate nîqaşkirin.
Piştre jî Serokê Encûmenê li ser amadekarî û amadekariyên pêwîst ên beriya lidarxistina kongirê ENKSê gotûbêj kir.
Di derbarê rewşa siyasî de, amadebûyan behsa pêşhatên dawî û rewşên siyasî li meydana Sûriyê bi giştî û li ser qada Kurdî bi taybetî kirin.
Her wiha,xanim Suhad Osê endama xwecihiyê hemû endamên xwecihiyê bi pênûsa navê PDKê xilat kirin.
Ragihandina ENKSê
Raport:Elî Fetah
