XWECIHIYA ŞAMÊ SALVEGERA “47 YEMIN” LI SER KOÇA DAWÎ YA BAVÊ NETWA KURD MELA MISTEFA BARZANÎ VEJANDIN.
Di roja Yekşemê 1.3.2026an de,bîranîna salvegera 47 yemin li ser koçkirina dawî ya Barzaniyê nemir,ji aliyê xwecihiya Şamê ya bi ser ENKSê ve, vejandin.
Herwiha bi beşdarbûna kesayetên serbixwe û nûnerên civaka sivîl û rewşenbîr,
herwiha bi beşdarbûna nûnerên partiyên siyasî û kesayetên civaknasî û olî , herwiha bi beşdarbûna rêxistinên jinan û ciwanan û xwendekaran jî.
Herwiha bi beşdarbûna xelkên herêma bajarê Til Temir û gundewarê wê.
Piştre xulekek bêdeng li ser giyanên pakrewanên Kurd û Kurdistan û bi taybet li ser giyanê Barzaniyê nemir ,bi sirûda neteweyî Ey Reqîb rawestiyan.
Piştre hin axaftin hatin xwendin di derbarê vê bîranînê de.
Di helkeftê de li ser navê Encûmena Niştimanî ya Kurdî gotarek ji aliyê birêz Nimet Dawid endamê Serokatiya Encumenê ve hat pêşkêşkirin û tê de behsa rola dîrokî ya Barzanî di rêya tevgera Kurdî de kir û behsa qonaxên girîng ên têkoşîna wî ya bi dehan salan kir û tekezî li ser wê yekê kir ku îdyolojiya wî li ser bingeha berdewamî û parastina mafên siyasî yên netewî ye.
Her wiha di axaftina xwe de behsa dawî pêşhatên siyasî û helwestên Encûmena Niştimanî ya Kurdî li ser wan kir.
Mehabad Tîzînî gotarek bi navê PDKSê, pêşkêş kir û tê de ezmûna Barzanî ji destpêka xortaniya wî ve û xebata wî ya dirêj di xizmetkirina gel û doza wî de, heta ku bû sembola neteweyî ya hemû beşên Kurdistanê, nirxandin.
Di helkeftê de fîlmeke dokumanterî li ser jiyana Barzaniyê nemir hat pêşandan û tê de qonaxên herî diyar ên têkoşîn û helwestên dîrokî yên Barzanî hatin nirxandin.
Di dawiya merasîmê de, beşdaran spasî û pêzanînên xwe ji beşdaran re ji bo beşdarbûna çalak anîn ziman û tekez kirin ku bibîranîna vê salvegerê soza berdewamkirina têkoşînê bi ruhê yekîtî û sekna xwe nû dike.
Ragihandina ENKSê
Raport:Elî Fetah .
