HESEKÊ: RÊXISTINA JINÊ YA “PDKS” ŞEVBIHÊRKEK WÊJEYÎ LIDARXISTIN.
Di êvara roja Şemiyê,8/11/2925an de, Rêxistina Jinê ya Partiya Demokrat a Kurdistan – Sûriya şevbihêrek wêjeyî bi navê: “Gotinên Pêşiyan yên gelêrî yên kurdî” li ofîsa partiyê li bajarê Hesekê, bi amadebûna hejmarek ji nivîskar, rewşenbîr û kesên ku bi karûbarên çandî û civakî ve mijûl bûn,li darxistin.
Şevbihêrik bi deqeyek rêzgirtin ji canê pakê şehîdên Kurd û Kurdistanê û giyanê pakê ruhanî yê gelê Kurd Mela Mistefa Barzanî bi sirûda Ye Reqî dest pê kir.
Endama Rêxistina Jinê ya Hesekê Evîn Şemdîn axaftinek bi xêrhatina amadebûyan kir û piştre mamoste, nivîskar û dîroknas Yûnis Hemê (Bavê Serbest) ku di gotara xwe de behsa koka gotinên pêşiyan ên kurdî û çawaniya çêbûna wan ji serpêhatiyên jiyana rojane û aqilmendiyên nifşên berê kir.
Ravekirina rola ku di belgekirina bîranîna gelêrî û veguhestina nirxên civakî û exlaqî de lîstiye.
Di şevbihêrkê de Hemê komek gotinên pêşiyan ên kurdî nirxand, çîrokên li pişt wan û têgînên civakî û çandî yên ku ew îfade dikin nirxand.
Her wiha Ciwana bi navê Barîn Bozo jî beşdarî pêşkêşkirina çend gotarên gelêrî bû, piştre beşeke hunerî ya ku ji aliyê hunermend Cîhad ve bi pêşkêşkirina komek stranên kurdî yên kevneşopî hat pêşkêşkirin
Şevbihêrk bi danûstendina temaşevanan û destwerdanan bi dawî bû ku li ser girîngiya parastina mîrata gelêrî ya kurdî û gihandina wê ji nifşên paşerojê re wekî beşek ji nasnameya çandî ya neteweyî şevbihêrk dewlemend kirin.
Ragihandina ENKSê
Raport: Elî Fetah
