ŞAM: SEROKÊ “ENKS” SEMÎNAREK SIYASÎ Û CEMAWERÎ BI RÊ VE BIR..
Encûmena Niştimanî ya Kurd li Sûriyê (Xwecihia Şamê) di roja Înê 7/11/ 2025an de, li taxa Zorava ya Şamê, semînerek siyasî û cemawerî li ser nûtirîn nûçeyên li ser qadên navdewletî, Sûrî û Kurdî,bi beşdarbûna kesayetên siyasî,civakî û rewşenbîr, li dar xist.
Semîner ji aliyê serokê Encûmena Niştimanî ya Kurdî li Sûriyê, mamoste.Mihemed Ismaîl ve bi rê ve çû.
Semîner bixêrhatinê û deqeyeke rêzgirtinê ji bo şehîdên Kurd û Kurdistanî û li pêşîya wan Barzaniyê nemir ji aliyê mamoste.Ahmed Haco dest pê kir
Piştre Mamoste Mihemed Îsmaîl, Serokê Encûmena Niştimanî ya Kurd li Sûriyê, gotareke siyasî ya dirêj pêşkêş kir û tê de behsa riya tekoşîna Encumenê ji dema damezrandina wê de kir, û tekez kir ku Encumen çarçoweya nûnertiya bingehîn û rewa ya mafên netewî yên gelê Kurd li Sûriyê pêk tîne, û hewlên xwe dide ji bo bidestxistina daxwazên niştimanî yên rewa di çarçoveya yekrêziya welat de.
Her wiha Îsmaîl qonaxên dîrokî yên ku çalakiya neştimanî ya Kurd tê de derbas bûne nirxand û tekezî li ser pabendbûna bi rijd ya Encûmenê bi encamên Konferansa Qamişlo ya ku di 26`ê Nîsanê de hat lidarxistin, kir, bi taybetî li ser nêrîna siyasî û şanda hevbeş.
Serokê Encûmenê tekez kir ku hebûna navenda Encûmena Niştimanî ya Kurdî li paytexta Şamê nîşana stratejî ya kûr e, ku baweriya xwe ya xurt nîşan dide ku çareseriya bingehîn û rewa ya doza Kurd tenê li Şamê dikare pêk were.
Bi rêya diyalogeke niştimanî ya berfereh ku mafên hemû pêkhateyên Sûriyê misoger dike, bi taybetî mafên gelê Kurd di nav dewleteke nenavendî, piralî û demokratîk de.
Di dawiya semînerê de, derî ji bo nîqaşan hate vekirin û beşdaran pêşniyarên binirx pêşkêş kirin û pirsên ku diyalog xurtirkir, li ser hevgirtina nêrînên li ser pîvanên neteweyî û daxwazên hevbeş tekez kirin.
Ragihandina ENKSê
Raport: Elî Fetah
